قالانىڭ باس شىرشاسىن جاعۋدىڭ سالتاناتتى ءراسىمى اباي الاڭىندا ءوتتى، دەپ حابارلايدى Almaty-akshamy.kz.
شىرشا شامدارى رەسمي ىسكە قوسىلعان سوڭ، قازاقستاندىق ەسترادا جۇلدىزدارىنىڭ قاتىسۋىمەن كونسەرتتىك باعدارلاما بولدى. الماتى تۇرعىندارى مەن قوناقتارىنىڭ الدىندا «جىگىتتەر» توبى، «Shamis» توبى، دانيار وتەگەن، ايگەرىم قالاۋبايەۆا، مۇحتار حانزادا، Kalifarniya، ت.ب تانىمال انشىلەر ونەر كورسەتتى.
سونداي-اق، اياز اتا، اقشاقار جانە كەلەسى جىلدىڭ سيمۆولى – قويان رەتىندە كيىنگەن انيماتورلار الماتىلىقتاردىڭ كوڭىل-كۇيىن كوتەردى. مەرەكەلىك شاراعا قاتىسۋشىلار ءۇشىن جەدەل باسىپ شىعاراتىن ارنايى فوتو-بۋدكالار، سۋرەتكە تۇسۋگە ارنالعان ايماقتار جانە جاڭاجىلدىق جارمەڭكە دە ۇيىمداستىرىلدى.
