وڭىرلىك كوممۋنيكاسيالار قىزمەتىنىڭ الاڭىندا «الماتىباسجوسپار» عىلىمي-زەرتتەۋ ينستيتۋتىنىڭ باس ديرەكتورى اسحات ءسادۋوۆ وسىلاي دەدى.
قالاداعى اۋانى جاقسارتۋ ءۇشىن باس جوسپاردا قانداي ءىس-شارالار قاراستىرىلعانى تۋرالى سۇراققا جاۋاپ بەرە وتىرىپ، ول تاۋ ايماعىندا قالىپتاساتىن جانە قالانىڭ ميكروكليماتىنا اسەر ەتەتىن جەلدىڭ وتىنە كەشەندى زەرتتەۋلەر جۇرگىزىلگەنىن اتاپ ءوتتى، - دەپ حابارلايدى Aqshamnews.kz.
«دەرەككە قاراعاندا، جەل كوبىنە سولتۇستىك–سولتۇستىك-شىعىس، وڭتۇستىك-باتىس جانە وڭتۇستىكتەن سوعادى. اسىرەسە قىز كەزىندە بۇل باعىتتان جەلدىڭ سوعۋى ۇدەي تۇسەدى. وسى انىقتالعان زاڭدىلىقتاردى ەسكەرىپ، باس جوسپاردا قالالىق ورتانىڭ تابيعي جەلدەتىلۋ دەڭگەيىن ارتتىرۋعا باعىتتالعان قالاداعى قۇرىلىسقا قاتىستى ءبىراز شەشىم قولعا الىنعالى وتىر»، - دەيدى سپيكەر.
ولاردىڭ قاتارىندا:
• قالانىڭ تابيعي جەلدەتىلۋىن كۇشەيتۋ ءۇشىن كوشە-جول جەلىسى مەن قالاداعى ۇيلەردى جەلدىڭ نەگىزگى باعىتىنا ىڭعايلاپ قۇرۋ؛
• قالانىڭ جوعارعى جانە ورتالىق بولىكتەرىندە قالىپتاساتىن اۋا اعىندارىنىڭ نەگىزگى جوعارى-تومەن قوزعالىسىن قامتاماسىز ەتەتىن ايماقتاردا رەتسىز بيىك قۇرىلىسقا شەكتەۋ قويۋ؛
• زياندى قوسپالاردىڭ تارالۋ جىلدامدىعىن ايتارلىقتاي تومەندەتەتىن شامادان تىس تىعىز قۇرىلىستى ازايتۋ؛
• قالالىق كەڭىستىكتەردىڭ ەركىن جەلدەتىلىپ، اۋا ماسسالارىنىڭ ەركىن وتۋىنە مۇمكىندىك بەرەتىن عيماراتتاردىڭ كەڭىستىكتىك-كولەمدىك قۇرىلىمىن قالىپتاستىرۋ؛
• تابيعي جەلدىڭ اعىنىن كوشەلەر مەن كۆارتالدارعا باعىتتايتىن ساۋلەتتىك شەشىمدەر ازىرلەۋ.
اتالعان ءىس-شارالاردى ىسكە اسىرۋ قالانىڭ تابيعي جەلدەتىلۋىن ايتارلىقتاي جاقسارتىپ، اۋانىڭ ساپاسىن ارتتىرىپ، تۇرعىندارعا قولايلى ورتا قالىپتاستىرۋعا مۇمكىندىك بەرەدى.