الماتىنىڭ باس جوسپارى جىل سوڭىنا دەيىن بەكىتىلەدى

قازىرگى كەزدە قالانىڭ جاڭا باس جوسپارىن ازىرلەۋ جۇرگىزىلىپ جاتىر.

الماتى اۋداندارى قالانىڭ بارلىق اۋداندارىندا ءومىر ءسۇرۋ ستاندارتتارى جوعارى حالىقتىڭ تەڭگەرىمدى جانە ءتيىمدى تىعىزدىعىمەن داميتىن بولادى.بۇل تۋرالى 12 قىركۇيەك كۇنى الماتى اكىمىنىڭ ورىنباسارى مۇحيت ازىربايەۆ ايتتى، دەپ حابارلايدى Almaty-akshamy.kz. 

«قازىرگى ۋاقىتتا ەسەپ ايىرىسۋ مەرزىمىن 2040 جىلعا دەيىن ۇزارتا وتىرىپ، قالانىڭ جاڭا باس جوسپارىن ازىرلەۋ جۇرگىزىلۋدە، ونى جىلدىڭ سوڭىندا بەكىتۋ جوسپارلانىپ وتىر، سونداي-اق 2023 جىلدىڭ ورتاسىنا دەيىن بەس جاڭا پوليورتالىقتىڭ شەبەر-جوسپارلارى ازىرلەنەتىن بولادى»، -  دەدى قالا اكىمى. 

ماماننىڭ ايتۋىنشا،قالا اۋماعىن پوليورتالىقتى دامىتۋ مىناداي قاعيداتتاردا جۇزەگە اسىرىلادى:

- ۇزىندىعى 120-140 مەتر كوشەلەردىڭ تورىمەن قالانىڭ تاريحي ورتالىعى ۇلگىسىندە ورامدىق قۇرىلىس

- ءاربىر پوليورتالىقتىڭ تۇرعىندارىن الەۋمەتتىك، كولىكتىك، رەكرەاسيالىق ينفراقۇرىلىممەن، سونداي-اق جۇمىس ورىندارىمەن 100% قامتاماسىز ەتۋ

- بارلىق پوليورتالىقتار مەن قالانىڭ باسقا اۋداندارىنىڭ كولىك ينفراقۇرىلىمىمەن بايلانىستىلىعى

- تاريحي-مادەني ماڭىزى بار وبەكتىلەردى ساقتاۋمەن (رەستاۆراسيالاۋمەن) اۋماقتى قايتا جاڭارتۋ

- ەكونوميكالىق ماماندانۋ