الماتىدا 715 مىڭ جاس تۇرادى، بۇل قالا تۇرعىندارىنىڭ ۇشتەن ءبىرىن قۇرايدى. بۇل تۋرالى الماتى قالاسى اكىمى ورىنباسارى ا. قىرىقبايەۆ مالىمدەدى، دەپ حابارلايدى اlmaty-akshamy.kz.
قالادا 255 مىڭنان استام ستۋدەنت، ونىڭ ىشىندە 70% وڭىرلەردەن كەلگەن ستۋدەنت ءبىلىم الاتىن 36 جوو مەن 94 كوللەدج بار. جىل سايىن باسقا قالادان كەلگەن تۇلەكتەردىڭ 80%-ى الماتىدا قالۋعا تىرىسادى، بۇل ەڭبەك نارىعىنا قوسىمشا جۇكتەمە جاسايدى. تۇلەكتەردىڭ جالپى سانىنان 12 مىڭعا جۋىق ادام جىل بويى جۇمىس تابا الماي، جۇمىسسىزدار قاتارىن تولىقتىرۋدا. رەسمي ستاتيستيكا دەرەكتەرى بويىنشا، ءاربىر 5ء-شى جاس جۇمىسسىز الماتىلىق بولىپ تابىلادى.
مۇنىڭ سەبەبى ءبىلىم بەرۋ ساپاسىندا جاتىر. ءبىلىم ساپاسىنا ەمەس، ديپلومدارعا سۇرانىس باسىم. بۇل رەتتە جاستار اراسىندا جۇمىسشى ماماندىقتارىنىڭ بەدەلى تومەن. بولجام بويىنشا، تاياۋ جىلدارى اسپاز، تىگىنشى، ساتۋشى، قوسالقى جۇمىسشىلار، سلەسار-جوندەۋشىلەر جانە ت.ب. سياقتى بىلىكتىلىگى ورتاشا جانە تومەن كاسىپتەر نەعۇرلىم سۇرانىسقا يە بولادى.
ءبىلىم بەرۋ دەڭگەيىمىز ءاردايىم جاڭا جاعدايلارعا سايكەس كەلە بەرمەيدى جانە نارىقتى قاجەتتى كادرلارمەن قامتاماسىز ەتۋگە دايىن ەمەس.
وسى جانە باسقا سەبەپتەرگە بايلانىستى NEET ساناتىنداعى جاستاردىڭ ۇلەسى ارتىپ كەلەدى. رەسمي دەرەكتەر بويىنشا، 14 جاستان 29 جاسقا دەيىنگى جاستار اراسىندا بۇل ساناتقا 27،7 مىڭ جاس كىرەدى، بۇل 6،3%-دى قۇرايدى. رەسمي ەمەس مالىمەتتەر بويىنشا، ولاردىڭ سانى 50 مىڭدى قۇرايدى.
بۇدان باسقا، ستۋدەنتتىك جاتاقحانالار مەن قولجەتىمدى جالعا بەرىلەتىن تۇرعىن ءۇيدىڭ جەتىسپەۋشىلىگى ماسەلەسى وتكىر بولىپ وتىر. بۇگىنگى تاڭدا جاتاقحانالارداعى ورىن تاپشىلىعى 32 مىڭنان اسادى، ال تۇرعىن ءۇي كەزەگىندە رەسمي تۇردە 17،5 مىڭ جاس وتباسى تۇر.