قالا بويىنشا 9 قولداۋ ورتالىعى بار، ولاردىڭ بارلىعى كومپيۋتەرلەنگەن. ماماندار حالىق ساناعىن وتكىزۋگە كومەكتەسەدى جانە بارلىق نيەت بىلدىرگەن قالا تۇرعىندارىنا وسى ماسەلە بويىنشا كەڭەس بەرەدى.
بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتىنىڭ «باقىتتى وتباسى» ورتالىعىنىڭ باسشىسى زۋلفيا بايساقوۆا مالىمدەدى، دەپ حابارلايدى Almaty-akshamy.kz
زۋلفيا بايساقوۆانىڭ ايتۋىنشا، حالىق ساناعى حالىقتىڭ ناقتى قۇرىلىمىن انىقتاۋعا جانە قالانىڭ مەن جالپى ەلدىڭ دامۋىن جوسپارلاۋ ءۇشىن ماڭىزدى بولىپ تابىلاتىن باسقا دا ءبىرقاتار ماسەلەلەردى شەشۋگە كومەكتەسەدى.
«جوسپارلاۋ تۇجىرىمداماسى بار، سوندىقتان حالىق ساناعى اياسىندا الىنعان بارلىق مالىمەتتەر، اسىرەسە، بالالاردىڭ، اتا-انالاردىڭ ساندىق كورسەتكىشتەرى، ولاردىڭ مارتەبەسى قازاقستاندىقتاردىڭ قاجەتتىلىكتەرىن شەشۋگە كومەكتەسەتىن سول مەملەكەتتىك باعدارلامالاردى جاساۋعا مۇمكىندىك بەرەدى. تۇرعىن ءۇي قۇرىلىسىنا قاجەتتىلىكتى انىقتاۋ ءۇشىن قالالىق ينفراقۇرىلىمدى جوسپارلاۋ، بالاباقشالار، مەكتەپتەر، ەمحانالار، كولىك بايلانىستارىن جوسپارلاۋ ءۇشىن قانشا بالا ءومىر سۇرەتىنىن، نەشە جاستا ەكەنىن انىقتاۋ ماڭىزدى»، - دەدى زۋلفيا بايساقوۆا.
«باقىتتى وتباسى» ورتالىعىنىڭ باسشىسى ساناقتى ونلاين رەجيمىندە وتۋگە بولاتىنىن ايتتى. ەگەر مۇنى ءوز بەتىڭىزشە جاساي الماساڭىز، وندا ورتالىقتىڭ كومەگىنە جۇگىنۋگە بولادى.
«ادامدار ساناققا قاتىسۋدى نازاردان تىس قالدىرماۋى كەرەك، بۇل 30 مينۋتتى الادى، ورتالىقتارعا كەلىڭىز، ءبىزدىڭ ماماندار ونلاين ساۋالنامالاردى تولتىرۋعا كومەكتەسەدى. ساناق ەلىمىزدە كوپ بالالى وتباسىلاردىڭ قالاي ءومىر سۇرەتىنىن، بىرنەشە جىلدان كەيىن بىزدە قانشا زەينەتكەر بولاتىنىن انىقتاۋعا كومەكتەسەدى»، - دەدى زۋلفيا بايساقوۆا.
ساناقتىڭ ونلاين فورماتى قالا تۇرعىندارىنا www.sanaq.gov.kz مامانداندىرىلعان سايتى ارقىلى قولجەتىمدى. ساۋالناماعا، رەسپوندەنتتىڭ ورنالاسقان جەرىنە قاراماستان، 2021 جىلدىڭ 1 قىركۇيەگىنەن 15 قازانىنا دەيىن قاتىسۋعا بولادى. تۇرعىنداردان ۇيدەن-ۇيگە ۇزدىكسىز ساۋالناما جۇرگىزۋدىڭ ءداستۇرلى فورماتى اعىمداعى جىلدىڭ 1 قازانىنان 30 قازانىنا دەيىن ەلەكتروندى پلانشەتتەر بويىنشا سۇحبات بەرۋشىلەردەن ساۋالناما الۋ ارقىلى جۇرگىزىلەدى.