بۇگىن ورتالىق كوممۋنيكاسيالار قىزمەتىندە الماتى اكىمى ەربولات دوسايەۆتىڭ قاتىسۋىمەن بريفينگ ءوتتى. بريفينگ بارىسىندا ب ا ق وكىلدەرى بيىل ساتىپ الىنعان جاڭا 1150 اۆتوبۋس پەن 100 تروللەيبۋس تۋرالى سۇراق قويىپ، ولاردىڭ بارلىعىنىڭ جەتكىزىلگەنىن ناقتىلادى.
قالا باسشىسى بۇل اقپاراتتى راستادى: "بارلىعى 1150 اۆتوبۋس جەتكىزىلدى، نەگىزگى بولىگى - جەلتوقسان ايىنىڭ باسىندا. ءقازىر قابىلداۋ قارقىندى ءجۇرىپ جاتىر، ونىڭ ىشىندە 600 اۆتوبۋس جەرگىلىكتى بيۋدجەت قاراجاتى ەسەبىنەن ساتىپ الىنىپ، 60 ملرد تەڭگە جۇمسالدى.
ال 550 اۆتوبۋس - جەكە تاسىمالداۋشىلار ەسەبىنەن. ەگەر الماتىدا جولاۋشىلار تاسىمالى تۋرالى ايتاتىن بولساق، وندا بىزدە 24 تاسىمالداۋشى، ءبىر مۋنيسيپالدى "الماتىەلەكتروترانس"، قالعان 23 جەكە تاسىمالداۋشى بار. ءوزىم جاريالاعان جوسپارلارمەن - كەلەسى جىلى ءبىز 1100-دەن استام جاڭا اۆتوبۋستاردى بىرگە ساتىپ الامىز دەپ ۇمىتتەنەمىن.
بۇل رەتتە جەكە تاسىمالداۋشىلار قوعامدىق كولىكتى ەكولوگيالاندىرۋ اياسىندا ديزەلدى اۆتوبۋستاردى ساتىپ الا المايدى". قالا باسشىسى 32 باعىت تۋرالى اقپاراتقا دا تۇسىنىكتەمە بەردى.
"ءقازىر مارشرۋتتا 15 اۆتوبۋس تۇر، ال جەلتوقسان ايىنىڭ سوڭىنا دەيىن 25 اۆتوبۋس بولادى. ارالىقتى 7-8 مينۋتقا دەيىن قىسقارتامىز. قالادا ءبىز 22 جاڭا باعىتتى ىسكە قوستىق. العاشقى 100 تروللەيبۋستى دا الدىق، ونىڭ 55ء-ى جەلىدە، 45ء-ى وسى جىلدىڭ سوڭىنا دەيىن شىعادى. كەلەسى جىلى ءبىز تروللەيبۋس پاركىن تولىعىمەن اۋىستىرامىز. ەسەپتەۋلەر بويىنشا جولاۋشىلار كولىگىنىڭ ءتيىمدى جۇمىس ىستەۋى جانە ارالىقتاردى قىسقارتۋ ءۇشىن قالاعا قوسىمشا 800-1000 اۆتوبۋس ساتىپ الۋ قاجەت. بيىل ءبىز 1،5 ملن ادامدى تاسىمالدادىق، ونىڭ كولەمىن ۇلعايتۋدى جوسپارلاپ وتىرمىز. قوعامدىق كولىك ورتا مەرزىمدى پەرسپەكتيۆادا الماتى قالاسىنىڭ كولىك قۇرىلىمىنا اينالۋى ءتيىس دەپ سانايمىن"، - دەدى اكىم.