الماتىدا 25 جىل بويى پايدالانىلعان جىلۋ ماگيسترالى قالا اكىمىنىڭ تاپسىرماسىمەن جاڭارتىلادى
جۇمىس ساپارى بارىسىندا الماتى اكىمى ەربولات دوسايەۆ اۋەزوۆ اۋدانىنداعى جىلۋ ماگيسترالىن قايتا جاڭارتۋ بارىسىن تەكسەردى.
2023 جىلدان بەرى جۇرگىزىلىپ كەلە جاتقان جانە 2024 جىلدىڭ قىركۇيەگىندە اياقتالۋعا ءتيىس ەكى جىلدىق جوبانى جۇزەگە اسىرۋ اياسىندا 1 838 مەتر قۇبىر اۋىستىرىلادى. ديامەترى 700 مم بولاتىن قايتا جوندەۋگە جاتاتىن جىلۋ ماگيسترالى 1991 جىلدان باستاپ پايدالانۋعا بەرىلدى جانە ءوزىنىڭ 25 جىلدىق نورماتيۆتىك مەرزىمىن وتەدى. سوڭعى بەس جىلدا قۇبىردا 20-عا جۋىق اقاۋ تىركەلدى.
ماگيسترال ۇلىقبەك داڭعىلى مەن شالياپين كوشەسىنىڭ اراسىنداعى كىشى سايىن كوشەسىنىڭ بويىمەن باتىس جاعىندا.
2023 جىلى 583 مەتر قۇبىر سالىندى. بيىل قۇرىلىس مامىر ايىنان باستاپ جالعاستى جانە قازىرگى ۋاقىتتا جالپى جۇمىس كولەمىنىڭ 18%-ى ورىندالدى.
قۇبىر 400-دەن استام كوپپاتەرلى ءۇيدىڭ، 4 بالاباقشانىڭ جانە اتالعان كوشەلەردىڭ اۋماعىندا ورنالاسقان 105 جەكە تۇرعىن ءۇيدىڭ تۇرعىندارىن جىلۋمەن جانە ىستىق سۋمەن قامتاماسىز ەتەدى. قايتا جاڭارتۋ وسى ۋچاسكەدەگى جىلۋ شىعىنىن، توزۋدى جانە اپاتتى ازايتۋعا مۇمكىندىك بەرەدى.
جۇمىس كەزىندە تۇرعىندار ءۇشىن ىستىق سۋمەن جابدىقتاۋدىڭ ۋاقىتشا سحەماسى كوزدەلگەن.
سونداي-اق، جىل سوڭىنا دەيىن ۇزىندىعى 1386،5 مەتر بولاتىن تاعى ءبىر توزعان قۇبىردى اۋىستىرۋ جوسپارلانىپ وتىر. بۇل جۇمىس سايىن كوشەسىنىڭ باتىسىندا جانە شالياپين كوشەسىنىڭ سولتۇستىگىندە اۋلاىشىلىك اۋماقتا قولعا الىنعان.
قۇرىلىستىڭ ءبىرىنشى كەزەڭى 2023 جىلى باستالدى، ول كەزدە 730 مەترلىك جىلۋ تراسساسى اۋىستىرىلدى. بيىل تاعى 656،5 مەتردى اۋىستىرۋ جوسپارلانعان.
قالا باسشىسى قۇرىلىس-مونتاج جۇمىستارىن جەدەلدەتۋدى جانە نىسانداردى قايتا جاڭارتۋدى مەرزىمىندە اياقتاۋدى تاپسىردى.