الماتى قالاسىنىڭ اۋەزوۆ اۋدانىندا كوشە تاعامدارى بار 4 زاڭسىز دۇڭگىرشەك جانە 28 سيلومەر جويىلدى، دەپ حابارلايدى aqshamnews.kz
الماتىنىڭ اۋەزوۆ اۋدانىندا 63 زاڭسىز ستاسيونارلىق ەمەس ساۋدا نىسانى (سەسن) جانە 28 ويىن-ساۋىق اپپاراتى (سيلومەرلەر) بولشەكتەلگەن. اتاپ ايتقاندا، جۇبانوۆ پەن مومىش ۇلى كوشەلەرىندەگى سامسا، پيسسا جانە چەبۋرەك ساتاتىن 4 زاڭسىز دۇڭگىرشەك بولشەكتەلدى.
ايتا كەتەيىك، ەربولات دوسايەۆتىڭ تاپسىرماسى بويىنشا الماتى قالاسى اكىمدىگىنىڭ باستاماسىمەن ءوز بەتىنشە ورناتىلعان سەسن جويۋ ناۋقانى اياسىندا جۇرگىزىلدى. باعدارلاما وسى جىلدىڭ 15 ناۋرىزىنا دەيىن جالعاسادى.
ەستەرىڭىزگە سالا كەتەيىك، 2025 جىلدىڭ 4 اقپانىنان باستاپ الماتىدا كاسىپكەرلىك جانە ينۆەستيسيالار باسقارماسى جۇمىس توبىنىڭ قاتىسۋشىلارىمەن بىرلەسىپ كوشە ساۋداسى وبەكتىلەرىن جويۋعا كىرىستى. بۇگىنگى تاڭدا مەملەكەتتىك قوردىڭ جەرىندە ورنالاسقان 302 سەسن جانە 222 سيلومەر بولشەكتەلدى.