اۋەزوۆ اۋدانىنىڭ اكىمى سايران سايفەدەنوۆ وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا اۋداندى اباتتاندىرۋ سالاسىنداعى 2021 جىلدىڭ الدىن الا قورىتىندىسىن شىعاردى.
اۋەزوۆ اۋدانىندا جالپى ۇزىندىعى 255 كم قۇرايتىن 204 كوشە بار. بۇگىندە ولاردىڭ بارلىعى 100% اسفالتتالعان، 90% جاعدايى جاقسى دەپ باعالانادى، دەپ حابارلايدى Almaty-akshamy.kz
قازىرگى كەزدە جول شۇڭقىرلارىن اعىمداعى جوندەۋ جۇمىستارى جالعاسۋدا، 21 مىڭ شارشى مەتر جولداعى اقاۋلار جويىلدى.
جولداردىڭ ورتاشا جوندەۋى اياقتالىپ، جالپى ۇزىندىعى 21،5 كم بولاتىن 33 كوشەگە اسفالت توسەلدى.
سونىمەن قاتار، بۇگىندە ۇزىندىعى 4 كم (100%) 14 ۋچاسكەدە تروتۋارلاردى جايلاستىرۋ اياقتالدى.
سايران سايفەدەنوۆتىڭ ايتۋىنشا، اۋداندى اباتتاندىرۋدىڭ باسىم ماسەلەلەرىنىڭ ءبىرى كوشەنى ساپالى جارىقتاندىرۋ بولىپ تابىلادى.
- بيىل اۋدان اۋماعىندا 89 ۋچاسكە بويىنشا قوسىمشا 1 166 شام ورناتىلدى، - دەدى اۋدان اكىمى.
ول توعىز كوشەدەگى ەسكى شامداردى زاماناۋي LED شامدارعا اۋىستىرۋ جالعاسىپ جاتقانىن ايتتى. قازىرگى ۋاقىتتا 151 جارىق نۇكتەسى ورناتىلعان.
سونىمەن قاتار، اۋەزوۆ اۋدانىندا اۋلالار مەن قوعامدىق كەڭىستىكتەر اباتتاندىرىلادى.
اۋدان اكىمىنىڭ ايتۋىنشا، تۇرعىندار ءومىر ءسۇرۋ ءۇشىن قولايلى جانە جايلى ورتا قۇرۋعا بەلسەندى قاتىسادى، كوگالداندىرۋعا كومەكتەسەدى. مىسالى، اۋەزوۆ اۋدانىندا «بيۋدجەتكە قاتىسۋ» باعدارلاماسىنىڭ بۇكىل جۇمىس كەزەڭىندە تۇرعىندار 230 ۇسىنىس بەرگەن. ونىڭ ىشىندە 26 جوبا ىسكە اسىرىلدى.
ن. ساس اتىنداعى جاسوسپىرىمدەر تەاترىنا ىرگەلەس اۋماق اباتتاندىرىلدى، سكەيت-پارك سالىندى، Togyzkumalak Smart Nation ۇستەلدەرى ورناتىلدى جانە 4ء-شى شاعىناۋدانداعى بالالار الاڭدارى جوندەلدى، - دەپ ناقتىلادى سايران سايفەدەنوۆ.
سونداي-اق، بيىل قوعامدىق كەڭىستىكتى اباتتاندىرۋ اياسىندا تاعى 7 جوبا جۇزەگە اسىرىلدى: ساين - جۇبانوۆ كوپىرىنىڭ استىندا جانە "تاستاق-1" شاعىناۋدانىندا سپورت الاڭدارى، جاياۋ جۇرگىنشىلەر ايماعى جايلاستىرىلدى. "اقساي-3ا"، 1ء-شى شاعىناۋدان ۋچاسكەسى اباتتاندىرىلدى.
№8 ءۇيدىڭ جانىندا، تولە بي كوشەسى بويىنداعى ياسساۋي مەن مومىش ۇلى اراسىنداعى، ياسساۋي كوشەسى مەن ساين - شالياپين اۋماعىنداعى جاياۋ جۇرگىنشىلەر ايماعى رەتكە كەلتىرىلدى.
بيىلعى جىلى جوسپارلانعان 99 اۋلا اۋماعىنىڭ 89 اۋلاسىندا اباتتاندىرۋ جۇمىستارى اياقتالدى، قالعاندارىندا جۇمىس ءجۇرىپ جاتىر.
2022 جىلعا 146 جوبالىق ۇسىنىس بەرىلدى، ونىڭ 46-سى داۋىس بەرۋگە جىبەرىلدى. داۋىس بەرۋ قورىتىندىسى بويىنشا 23 جوبا ىسكە اسىرىلدى.