الماتىنىڭ اۋدان تۇرعىندارى ۋچاسكەلىك پوليسەيلەرمەن تىعىز بايلانىستا

الماتى پوليسياسى ەل پرەزيدەنتىنىڭ تاپسىرماسى اياسىندا «قولجەتىمدى پوليسيا» جاڭا فورماتتاعى جۇمىسىنا سايكەس كەشەندى شارالار قابىلداپ جاتىر.

بۇل باعىتتاعى باسىم بۋىن – ۋچاسكەلىك پوليسيا ينسپەكتورلارى. بۇگىندە ولار ءموبيلدى جانە ۇنەمى بايلانىستا، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«ءاربىر ۋچاسكەلىك پوليسيا قىزمەتكەرى پيك-پەن جانە اۋدان تۇرعىندارىمەن چات پەن مەسسەندجەرلىك بايلانىستا. بارلىق سۇراقتار ولارعا تىكەلەي كەلىپ تۇسەدى. وسى ءتاسىلدىڭ ارقاسىندا ءبىز تۇرعىنداردان تۇسەتىن وتىنىشتەردىڭ سانىن 2،5 ەسەگە قىسقارتتىق. №78 پوليسيا ۋچاسكەسى الماتى وبلىسىنىڭ اۋماعىندا، "الاتاۋ" شاعىناۋدانىندا ورنالاسقان. بۇل جەردە 17 كوپ قاباتتى ءۇي جانە 250 جەكە تۇرعىن ءۇي بار. بىرنەشە جىل بۇرىن ءبىز Facebook-تە قىزمەتتىك اككاۋنتتار اشقان بولاتىنبىز، سيگنالدار كەلىپ جاتىر. سونىمەن قاتار شاعىن اۋدانىمىزدىڭ تۇرعىندارى اراسىندا WhatsApp، Facebook چاتتارى بار. بارلىق حابارلامالارعا جەدەل تۇردە جاۋاپ بەرىپ جاتىرمىز»، – دەدى 78-ۋپپ اعا ۋچاسكەلىك ينسپەكتورى نۇربول ەلۋبايەۆ.

سونداي-اق ۋچاسكەلىك پوليسيا ينسپەكتورلارىنىڭ ءيميدجىن كوتەرۋ جانە حالىق اراسىندا تانىلۋىن ارتتىرۋ ماقساتىندا “سالەمەتسىز بە، مەن ءسىزدىڭ ۋچاسكەلىك ينسپەكتورىڭىزبىن!” ناۋقانى وتكىزىلىپ جاتىر. ال اۋدان تۇرعىندارىمەن جانە پيك توراعالارىمەن كەزدەسۋلەر ازاماتتاردىڭ ماسەلەلەرىن تەز ءارى ءتيىمدى شەشۋگە مۇمكىندىك بەرەدى.

«مەن "الاتاۋ" شاعىناۋدانىنىڭ تۇرعىنىمىن. ءبىزدىڭ ۋچاسكەلىك ينسپەكتورلار وتە جىلدام ارەكەت ەتەتىنىن اتاپ وتكىم كەلەدى. ويتكەنى ولار تاۋلىك بويى بايلانىستا. ولاردىڭ تەلەفوندارى ۇنەمى قوسۋلى»، – دەيدى جەرگىلىكتى تۇرعىن تاتيانا اباجەي.

ەسكە سالا كەتەيىك، بۇعان دەيىن قالا اكىمدىگىمەن بىرلەسىپ، ۋچاسكەلىك پوليسيا پۋنكتتەرى ءۇشىن جاڭا عيماراتتاردى كەزەڭ-كەزەڭىمەن الۋدى كوزدەيتىن ءۇشجىلدىق جوسپار ازىرلەنىپ، بەكىتىلگەن.