ق ر پارلامەنتىنىڭ ءماجىلىسى جانە الماتى قالاسىنىڭ ءماسليحات دەپۋتاتتارىن سايلاۋ بويىنشا جالپىقالالىق باسپا ءسوز ورتالىعىنىڭ الاڭىندا قالانىڭ اۋماقتىق سايلاۋ كوميسسياسىنىڭ باسپا ءسوز كونفەرەنسياسى ءوتتى. سپيكەرلەر مەگاپوليستە داۋىس بەرۋدىڭ باستالعانىن ايتتى، دەپ حابارلايدى اlmaty-akshamy.kz.
الماتى قالاسىنىڭ اۋماقتىق سايلاۋ كوميسسياسىنىڭ ءتورايىمى ايگۇل قالىقوۆا الماتىدا بارلىعى 603 داۋىس بەرۋ ۋچاسكەسى بار ەكەنىن ايتتى، بۇگىن ولاردىڭ 602ء-ى جۇمىس ىستەپ تۇر. سايلاۋ ۋچاسكەلەرىنىڭ بىرەۋى ول جەردە داۋىس بەرۋشىلەر بولماعاننان كەيىن، جۇمىسىن توقتاتتى – بۇل ق ر ۇقك شەكارا قىزمەتىنىڭ اسكەري ءبولىمى.
«بىزدەگى اقپارات بويىنشا، بارلىق سايلاۋ ۋچاسكەلەرى جۇمىستارىنا كىرىستى، ونىڭ ىشىندە، 7 ۋچاسكەدە داۋىس بەرۋ ساعات التىدان باستالدى، قالعاندارى جۇمىستارىن ساعات 7-دەن باستادى»، - دەپ اتاپ ءوتتى الماتى اسك ءتورايىمى.
كانديداتتاردىڭ سەنىمدى وكىلدەرىنىڭ كەيبىر داۋىس بەرۋ ۋچاسكەلەرىنە تەلەفونمەن كىرۋ ماسەلەسىنە كەلسەك، ا.قالىقوۆا كەلەسىدەي تۇسىنىكتەمە بەردى: «بىزدە ازاماتتاردىڭ ۋاقىتشا تۇرۋىنا ارنالعان بىرنەشە ۋچاسكەلەر بار، ولار اسكەري بولىمدەر، ساناتورييلەر جانە ت.ب. ول جەرلەردىڭ ءوز ەرەجەلەرى بار، وعان سايكەس، تەلەفونمەن كىرۋگە رۇقسات بەرمەيدى، سول سەبەپتى، بايقاۋشىلار مەن سەنىم بىلدىرىلگەن تۇلعالاردان سايلاۋ ۋچاسكەلەرىنە بارعاندا تەلەفوندارىن قالدىرۋ سۇرالدى».
الماتى اسك ءتورايىمى تىركەۋدەن شىعارۋ كۋالىكتەرى ارقىلى داۋىس بەرۋگە قاتىستى ماڭىزدى جايتتى ەسكە سالدى.
«الماتى قالاسىندا ەسەپتەن شىعارۋ كۋالىكتەرى بويىنشا داۋىس بەرۋ سايلاۋدىڭ تەك ءبىر ءتۇرى بويىنشا عانا مۇمكىن – ق ر پارلامەنتىنىڭ ماجىلىسىنە پارتيالىق تىزىمدەر بويىنشا. باسقا سايلاۋلار بويىنشا «سايلاۋ تۋرالى» كونستيتۋسيالىق زاڭعا جانە ەسەپتەن شىعارۋ كۋالىكتەرىن بەرۋ قاعيدالارىنا سايكەس، داۋىس بەرۋگە جول بەرىلمەيدى»، - دەدى ا.قالىقوۆا.
ول سونىمەن قاتار، جالپى، جۇمىستىڭ شتاتتىق رەجيمدە ءوتىپ جاتقانىن اتاپ ءوتتى.