وسى اپتادا قالامىزدا بولعان ماڭىزدى جاڭالىقتارعا شولۋ.
مەدەۋدىڭ ماڭىزدى قادامى
الماتى قالاسىنىڭ اكىمى ەربولات دوسايەۆ مەدەۋ اۋدانىنىڭ تۇرعىندارىمەن كەزدەستى. كەزدەسۋدە تاۋلى قىرات شاعىن اۋدانىندا، ءال-فارابي داڭعىلىنان جوعارى ورنالاساتىن جاڭا كونگرەسس-ورتالىقتىڭ قۇرىلىسى تۋرالى اي̆تىلدى. بىلتىر اۋداندا 65 شاقىرىم كابەلدىك جەلى اۋىستىرىلدى، 10 مىڭ جاڭا شام جانە 185 باعانا ورناتىلدى.
قالانىڭ تاۋلى اي̆ماقتارىندا كوشكىن ءقاۋپى ارتىپ كەلەدى، وسى ماسەلەنى ءجۇي̆ەلى تۇردە شەشۋ ءۇشىن تاۋ بوكتەرىنىڭ ەڭىسى 15 گرادۋستان اساتىن ۋچاسكەلەردە قۇرىلىس جۇرگىزۋگە تىي̆ىم سالىندى.
مەكتەپكە دەي̆ىنگى مەكەمەلەر جەلىسىن كەڭەي̆تۋ بوي̆ىنشا دا بەلسەندى جۇمىستار جۇرگىزىلۋدە. 2024 جىلى الماتىدا 720 ورىندىق 14 جەكە بالاباقشا اشىلدى، ال 2025 جىلدىڭ سوڭىنا دەي̆ءىن تاعى 500 ورىنعا ارنالعان 10 بالاباقشا اشۋ جوسپارلانىپ وتىر. 2025 جىلدىڭ اقپانىندا «دۋمان-2» شاعىن اۋدانىندا 320 ورىندىق جەكە بالاباقشانىڭ قۇرىلىسى باستالىپ، 2026 جىلدىڭ اقپانىندا اشىلادى. 2025 جىلدىڭ ساۋىرىندە №195 بالاباقشانىڭ كۇردەلى جوندەۋى مەن سەي̆سميكالىق كۇشەي̆تۋ جۇمىستارى اياقتالادى. اۋداندا جاڭا پەرزەنتحانا مەن جەدەل جاردەمنىڭ قوسالقى ستانسياسى سالىنادى.
الماتىعا عاني بەيسەمبايەۆ كەلدى
شاھارعا جۇمىس ساپارىمەن كەلگەن وقۋ-اعارتۋ ءمينيسترى الماتىدا مينيسترلىككە قاتىستى ۇيىمداردىڭ باسشىلارىمەن جينالىس وتكىزدى.
مەملەكەت باسشىسىنىڭ تاپسىرماسىمەن الماتىدا «ABAI ULTTYQ MEKTEBI» العاشقى ۇلتتىق مەكتەبىنىڭ قۇرىلىسى باستالدى.
عاني بەيسەمبايەۆ الماتى قالاسىنداعى ءرفمم-نىڭ جۇمىسىمەن تانىستى.
الماتى رامازان ايىنا دايىن
الماتى قالاسىنىڭ باس يمامى تولەبي قاجىنىڭ ايتۋىنشا، قالاداعى بارلىق مەشىتتەردە تاراۋيح نامازدارى وقىلىپ، قۇران حاتىم تۇسىرىلەدى. جاماعاتتىڭ ىڭعايلىلىعى ءۇشىن الماتى ورتالىق مەشىتىندە «رامازان شاتىرىن» ورناتۋ جوسپارلانىپ وتىر. وندا كۇن سايىن 450 ادامعا تەگىن اۋىزاشار بەرىلەدى.
جارمەڭكەدە ءبارى بار
قالادا ءار سەنبى جانە جەكسەنبى كۇندەرى ساعات 9:00-دەن 18:00-گە دەيىن دەمالىس كۇندەرىنىڭ جارمەڭكەلەرى وتەدى. دايىن ونىمدەردىڭ باعاسى الماتى قالاسىنىڭ ورتاشا نارىقتىق باعاسىنان 10-15% تومەن.
«...ەشتەڭە دە ۇمىتىلمايدى»
الماتىدا 28 گۆاردياشى-پانفيلوۆشىلار اتىنداعى ساياباقتاعى داڭق مەموريالى اۋماعىندا قالپىنا كەلتىرۋ جۇمىستارى قولعا الىندى. بۇل جۇمىستار ۇلى وتان سوعىسىنداعى جەڭىستىڭ 80 جىلدىعىن اتاپ وتۋگە وراي̆ ۇي̆ىمداستىرىلعان.
ساقتانساڭ ساقتايدى
الماتى ءورت قاۋپىنە داي̆ىندىقتى كۇشەي̆ءتىپ، تەحنيكانى جاڭارتۋدا. 2025 جىلعا قاراي̆ اۆياسيالىق بولىمشەنىڭ شتاتى تولىق جاساقتالعان، قىزمەتكەرلەر مەديسينالىق تەكسەرىستەن جانە تەوريالىق دايارلىقتان ءوتتى.
كۇيدەن داۋىل تۇرعىزعان
قازاقستاننىڭ حالىق ءارتيسى نۇرعيسا تىلەندييەۆتىڭ 100 جىلدىعىنا وراي، «نۇرعيسا جىلىنىڭ» سالتاناتتى اشىلۋى ءوتتى. ايتۋلى ءىس-شاراعا وراي، الماتى قالاسى مۋزەيلەر بىرلەستىگىنە قاراستى نۇرعيسا تىلەندييەۆ مەموريالدى مۋزەيىنىڭ جىلجىمالى كورمەسى ۇيىمداستىرىلىپ، 70-كە جۋىق ەكسپونات قويىلدى.
10 جىلدان كەيىنگى رەكورد
بۇل رەكوردتى ورناتقان – 20 جاستاعى الماتىلىق مانەرلەپ سىرعاناۋشى ميحايل شايدوروۆ. ول جاقىندا عانا حاربيندەگى ازيا ويىندارىندا ءۇشىنشى ناتيجە كورسەتكەن ەدى. ەندى مىنە، سەۋلدە «ءتورت قۇرلىق» تۋرنيرىندە الدىمەن قىسقا باعدارلامانى، سودان كەيىن ەرىكتى باعدارلامانى جەڭىپ الدى. سونداي-اق، ول ءوز ونەرىمەن جارىستىڭ شىمىلدىعىن جاپتى.
وسىدان تۋرا 10 جىل بۇرىن ءدال وسى ارەنادا تاعى ءبىر الماتىلىق دەنيس تەن جەڭىمپاز اتانعان ەدى.
اق العىس اقتارىلاتىن كۇن
العىس ايتۋ مەرەكەسىنە وراي، الماتىدا كوپتەگەن مادەني-الەۋمەتتىك ءىس-شارالار جوسپارلانعان:
- 25 اقپان – قازاقستان حالقى اسسامبلەياسىنىڭ ەتنومادەني بىرلەستىكتەرىنىڭ شىعارماشىلىق ۇجىمدارىنىڭ كونسەرتى.
- 28 اقپان – «زولوتىە گودى» قارتتار ۇيىندە قارت ادامدارعا ارنالعان قايىرىمدىلىق تۇسكى اس.
- 1 ناۋرىز – قازاقستان حالقى اسسامبلەياسى انالار كەڭەسىنىڭ قولونەر كورمەسى (رەسپۋبليكالىق دوستىق ءۇيى)، نەمىس ۇيىندە «ءارتۇرلى شىعۋ تەگى – تەڭ مۇمكىندىكتەر» وتباسىلىق قوناق بولمەسى، سونداي-اق مۇقتاج جاندارعا كومەك كورسەتۋگە ارنالعان قايىرىمدىلىق اكسيالارى.
- 2 ناۋرىز – مەدەۋ اۋدانىنىڭ كوميۋنيتي ورتالىعىندا فلەشموب.
«ايىلدىڭ ارعى جاعىنان...»
الماتى جاستار ساياساتى سالاسىندا حالىقارالىق بايلانىستاردى نىعايتۋعا ەرەكشە كوڭىل بولۋدە. وسى ماقساتتا وڭتۇستىك استاناعا قىرعىز رەسپۋبليكاسىنىڭ جاستار دەلەگاسياسى ارنايى ساپارمەن كەلدى. دەلەگاسيا قۇرامىندا قىرعىز پارلامەنتىنىڭ، مادەنيەت مينيسترلىگىنىڭ جانە جاستار ساياساتىنا جاۋاپتى قۇرىلىمداردىڭ وكىلدەرى بار.
جەتىم كورسەڭ، جەبەي ءجۇر
105 الماتىلىق وتباسى 158 جەتىم بالاعا جىلۋلىق پەن قامقورلىق سىيلادى.
الماتىدا اتا-انا قامقورلىعىنسىز قالعان بالالاردى قولداۋعا باعىتتالعان باستامالار قارقىندى دامىپ كەلەدى. وسى جوبا ىسكە قوسىلعاننان بەرى 2285 ادام مامانداردان كەڭەس الىپ، ال 818 ازامات قابىلداۋشى اتا-انالار مەكتەبىندە دايىندىقتان ءوتتى. وسى باعدارلامانىڭ ناتيجەسىندە 105 الماتىلىق وتباسى 158 جەتىم بالانى ءوز قاناتىنىڭ استىنا الدى.
ازاماتتىق قورعانىس كورمەسى
1 ناۋرىزدا الماتى قالاسىنىڭ توتەنشە جاعدايلار دەپارتامەنتى (تجد) ازاماتتىق قورعانىس سالاسىنداعى ماڭىزدى ءىس-شارا وتكىزەدى. "استانا" الاڭىندا ۇيىمداستىرىلاتىن كورمە بارىسىندا ءورت ءسوندىرۋ، قۇتقارۋ جانە مەديسينالىق قۇرال-جابدىقتار كوپشىلىك نازارىنا ۇسىنىلادى.