قالا قوناقتارى ءۇشىن140-تان استام تاماقتانۋ ورنى مەن گاسترونوميالىق باعىت قامتىلعان، دەپ حابارلايدى aqshamnews.kz
الماتىنىڭ تۋريزم بيۋروسى العاشقى گاستروگيدىن ۇسىندى: الماتى بۇكىل الەم گۋرماندارى ءۇشىن تارتىمدى مەكەنگە اينالىپ كەلەدى.
قالا ساياحاتشىلاردى كۋلينارلىق داستۇرلەردىڭ بىرەگەي ۇيلەسىمىمەن، ەرەكشە داستارحانىمەن جانە قارقىندى دامىپ جاتقان مەيرامحانا كاسىبىمەن قىزىقتىرادى. مۇندا قازاقتىڭ ءداستۇرلى ۇلتتىق تاعامدارىن دا، ءتۇرلى ۇلىستاردىڭ اسىن دا، سونداي-اق، حالىقارالىق تاعامداردىڭ اۆتورلىقجۇمىسىن دا تاتىپ كورەسىز.
الايدا بۇل سالانىڭ تانىمالدىعى ارتىپكەلە جاتقانىنا قاراماستان، الماتىدا گاسترونوميالىق باعىتتا قىزمەت كورسەتەتىن گيدتەر جوقتىڭ قاسى. بۇل جاعداي باعىتتى دامىتۋعا ۇلكەن مۇمكىندىك بەرەدى. بۇعان بايلانىستى Almaty Tourism Bureau الماتىنى ءوڭىردىڭ گاسترونوميالىق استاناسى رەتىندە دامىتۋءۇشىن ارنايى گاسترونوميالىق گيد ازىرلەدى.
گيدكە 140-تان استام ەرەكشە تاعامدار مەن داستارحان ۇسىناتىن مەكەمەلەر ەنگەن. مۇندا قالادا گاسترونوميالىق تاجىريبە الۋعا ارنالعانباعىتتار، يدەيالار مەن سەنارييلەر قامتىلعان. بۇل سەنارييلەر كاسىبي گيدتەر مەن تاعام سالاسىنداعى ساراپشىلاردىڭ قولداۋىمەنجاسالعان، سوندىقتان تۋريستەر ءۇشىن ۇمىتىلماساسەر قالدىرۋى ءسوزسىز.
گيد بىرنەشە تاقىرىپتىق باعىتتى قامتيدى. «كلاسسيكالىق تۋر» الماتىنىڭ تاريحىنتاعامدار ارقىلى تانىستىرادى. «ءداستۇرلى گيد» قازاق ۇلتتىق تاعامدارىنا تەرەڭ ۇڭىلۋگە مۇمكىندىك بەرەدى. «مۋلتي مادەني گيد» ەلىمىزدىڭمادەني الۋان ءتۇرلى ەكەنىن اس ءمازىرى ارقىلىكورسەتەدى. «تاۋ مەن گاسترونوميا» باعىتىبەلسەندى دەمالىستا تاتىپ كورۋگە تۇرارلىق ءدام توپتاسىن ۇسىنادى. سونىمەن قاتار، «ينستاگرامبل-مارشرۋت» كوركەم لوكاسيالاردى، ال Art&Eat كونسەپتۋال ءارى ونەرگە باعىتتالعان ورىنداردى تانىستىرادى.
گيد، سونداي-اق، كوشە تاعامدارى مەن بارلارعا ارنالعان باعىتتاردى قامتيدى. بۇدان بولەك، الماتىعا عانا ءتان ەرەكشە تاعامدار مەن ساپاردانەستەلىك رەتىندە الىپ كەتۋگە بولاتىن ازىق-تۇلىك كادەسىي ءتىزىمى دە ەنگىزىلگەن.
جوبا ءۇش تىلدە — قازاق، ورىس جانە اعىلشىن تىلدەرىندە دايىندالعان، بۇل ونى كەڭ اۋديتوريا ءۇشىن قولجەتىمدى ەتەدى. گيدتىڭ باسپا نۇسقاسى تۋريستەرگە تاراتىلماق، ال اعىلشىن تىلىندەگى نۇسقاسى شەكارالىق باقىلاۋ پۋنكتتەرىندە جانە تۋريستىك اقپاراتتىق ورتالىقتاردا قولجەتىمدىبولادى.
گيدتى جاساۋ – گاسترونوميالىق ءتۋريزمدى دامىتۋدىڭ جاڭا كەزەڭى عانا ەمەس، سونىمەن قاتار، الماتىنى زاماناۋي ءارى قوناقجاي قالا رەتىندەتانىتۋدىڭ ءبىر مۇمكىندىگى. جوبانى ازىرلەۋشىلەردىڭ ايتۋىنشا، باستى نازار تۇسىنىكتى قۇرىلىم مەن ىڭعايلى باعىت-باعدارعا بەرىلگەن: جەڭىل وقىلادى، باعىتتار مەن مەكەمەلەر لوگيكاعا ساي توپتاستىرىلعان.
مەكەمەلەردى تاڭداۋ كەزىندە تانىمالدىق دەڭگەيى مەن رەيتينگتەر عانا ەمەس، سونداي-اق، ولاردىڭ اتموسفەراسى، تاعام ساپاسى جانە بىرەگەي كونسەپسياسى ەسكەرىلگەن. گيدتە مەكەمەلەر ساناتتار مەن قالانىڭ ءارتۇرلى اۋداندارىنا قاراي جىكتەلىپ، مەكەن جايلارى، جۇمىس ۋاقىتى مەن بايلانىس دەرەكتەرى كورسەتىلگەن.