بۇل تۋرالى وڭىرلىك كوممۋنيكاسيالار قىزمەتىنىڭ بريفينگى بارىسىندا الماتى قالاسى ادىلەت دەپارتامەنتىنىڭ وكىلدەرى مالىمدەدى، دەپ حابارلايدى اlmaty-akshamy.kz.
الماتى قالاسى ادىلەت دەپارتامەنتىنىڭ زياتكەرلىك مەنشىك قۇقىقتارى ءبولىمىنىڭ باسشىسى ەركەبۇلان جەتپىسبايەۆ ازاماتتارعا قۇقىقتىق ءتۇسىندىرۋ جۇمىستارى مەن قۇقىقتىق كومەك پەن كەڭەس بەرۋ ولاردىڭ ۆەدومستۆوسىنىڭ ماڭىزدى باعىتتارىنىڭ ءبىرى بولىپ تابىلاتىنىن ايتتى.
مىسالى، اعىمداعى جىلدىڭ 9 ايىندا ادۆوكاتتار مەملەكەت كەپىلدىك بەرگەن 10 509 ازاماتقا 129 913 750 تەڭگە سوماسىندا زاڭ كومەگىن كورسەتتى.
"قۇقىق مادەنيەتى" جانە "رۋحاني جاڭعىرۋ" ارنايى جوبالارى اياسىندا ادىلەت دەپارتامەنتى اۋداندىق حالىققا قىزمەت كورسەتۋ ورتالىقتارىندا، الەۋمەتتىك ۇيلەردە، الماتى قالاسى اۋداندارىنىڭ اكىمدىكتەرىمەن بىرلەسىپ، 800 مىڭنان استام ازاماتتى قامتي وتىرىپ، 322 ءىس-شارا وتكىزدى"، - دەدى ە.جەتپىسبايەۆ.
ءىس-شارالار شەڭبەرىندە ادىلەت دەپارتامەنتىنىڭ ماماندارى، ادۆوكاتتار مۇلىك يەلەرىنىڭ بىرلەستىگىن تىركەۋ، اتقارۋشىلىق جازبا، مۇرانى رەسىمدەۋ، اپوستيل قويۋ، زياتكەرلىك مەنشىك وبەكتىلەرىن تىركەۋ جانە اۆتورلىق قۇقىق پەن تاۋار بەلگىسىن قورعاۋ، شوتتارعا تىيىم سالۋ جانە اتقارۋشىلىق ءىس جۇرگىزۋ ماسەلەلەرى بويىنشا كەڭەس بەرەدى.
جالعاسىندا الماتى قالاسى ادىلەت دەپارتامەنتىنىڭ باسپا ءسوز حاتشىسى الماس بەكبوتايەۆ بارلىق ءىس-شارالارعا زاڭ قوعامداستىعىنىڭ (ادۆوكاتتار، نوتاريۋستار، جەكە سوت ورىنداۋشىلارى جانە زاڭ كونسۋلتانتتارى)، جەكە سوت ورىنداۋشىلارىنىڭ وڭىرلىك پالاتاسىنىڭ، كوشى-قون پوليسياسىنىڭ وكىلدەرى جانە الماتى قالاسى ءماسليحاتىنىڭ دەپۋتاتتارى قاتىساتىنىن ايتتى.
"قۇقىق ءتۇسىندىرۋ جۇمىستارى جوعارى وقۋ ورىندارى جانىنداعى زاڭ كلينيكالارىمەن بىرلەسىپ جۇرگىزىلەدى، ستۋدەنتتەر ءۇشىن قازاقستان رەسپۋبليكاسى زاڭناماسىنىڭ نورمالارىن ءتۇسىندىرۋ بويىنشا سەمينارلار وتكىزىلەدى، سونداي-اق ستۋدەنتتەر العان بىلىمدەرىن پراكتيكادا قولدانۋ ءۇشىن "ادىلەت كەڭەس بەرەدى" اكسياسى شەڭبەرىندە ازاماتتارمەن كەزدەسۋگە شاقىرىلادى"، - دەپ اتاپ ءوتتى ا.بەكبوتايەۆ.
قازىرگى ۋاقىتتا ادىلەت دەپارتامەنتى كوشى-قون پوليسياسىمەن جانە زاڭ قوعامداستىعىمەن بىرلەسە وتىرىپ، الماتى قالاسىنىڭ اۋداندىق حقكو-دا تۇرعىن ءۇيدى جالعا بەرۋ نارىعىنداعى الىپساتارلىق دۇربەلەڭگە بايلانىستى قۇقىقتىق ءتۇسىندىرۋ جۇمىستارىن جۇرگىزۋدە.
الماتىلىقتارعا كونسۋلتاسيا الۋ ءۇشىن استانا، الماتى قالالارى بويىنشا 199، 58-00-58 نومىرلەرىنە ستاسيونارلىق تەلەفونداردان قوڭىراۋ شالۋعا بولاتىنىن حابارلادى. سونداي-اق، WhatsApp +77086935631 ءنومىرى (قازاقستان رەسپۋبليكاسى ادىلەت مينيسترلىگى جانىنداعى قۇقىقتىق اقپاراتتىق قىزمەت) جۇمىس ىستەيدى.
اليمەنتتەر ءوندىرىپ الۋ، زەينەتاقى مەن جاردەماقىلار تاعايىنداۋ، اقتاۋ، بوسقىن نەمەسە قانداس مارتەبەسىن الۋ ماسەلەلەرى بويىنشا جەكە تۇلعالاردىڭ، اتا-اناسىنىڭ قامقورلىعىنسىز قالعان كامەلەتكە تولماعانداردىڭ؛ مارتەبەسىنە نەمەسە جاعدايىنا بايلانىستى قۇقىقتارى مەن زاڭدى مۇددەلەرىن قامتاماسىز ەتۋ جانە قورعاۋ ماسەلەلەرى بويىنشا سەكسۋالدىق زورلىق-زومبىلىق، ادام ساۋداسى، تەرروريزم اكتىسى قۇرباندارىنىڭ نە ازاپتاۋلارعا ۇشىراعان قۇربانداردىڭ وتەۋسىز نەگىزدە ادۆوكات كومەگىن الۋعا قۇقىعى بار