بۇگىندە الماتى ەلىمىزدەگى قايىرىمدىلىق ورتالىعى بولىپ تابىلادى. مۇندا جىل سايىن مەملەكەتتىك ورگاندار مەن مەسەناتتار مۇقتاج جانە كوپ بالالى وتباسىلارعا كومەك كورسەتەدى. الماتى قالاسى ءبىلىم باسقارماسى باسشىسىنىڭ ورىنباسارى قايرات جۇمانوۆ وڭىرلىك كوممۋنيكاسيالار قىزمەتىنىڭ بريفينگىندە «مەكتەپكە جول» اكسياسىنىڭ قورىتىندىلارى تۋرالى ايتتى، دەپ حابارلايدى almaty-akshamy.kz
ايتا كەتسەك، جالپىرەسپۋبليكالىق اكسيا مەملەكەت باسشىسىنىڭ جولداۋى اياسىندا جۇزەگە اسىرىلۋدا. ونىڭ ماقساتى الەۋمەتتىك جاعىنان قورعالماعان جانە از قامتىلعان وتباسىلاردىڭ بالالارىنا (ونىڭ ىشىندە كوپ بالالى وتباسىلاردىڭ) كومەك كورسەتۋ، الەۋمەتتىك سەبەپتەر بويىنشا بالالاردىڭ مەكتەپكە كەلمەۋىنىڭ الدىن الۋ.
«ەپيدەميولوگيالىق جاعدايدىڭ ساقتالۋىنا بايلانىستى «مەكتەپكە جول» ءداستۇرلى اكسياسىن وتكىزۋ پلاتفورما ارقىلى جىل بويى جالعاسادى. كومەككە مۇقتاج اتا-انالار www.atamekenim.kz سايتىنا ءوز وتىنىشتەرىن قالدىرا الادى. ال دەمەۋشىلەر مەن مەسەناتتار كومەك كورسەتۋ بويىنشا ءوتىنىم بەرە الادى»، - دەدى قايرات جۇمانوۆ.
سونىمەن قاتار، كومەك كورسەتۋدىڭ ءداستۇرلى ادىستەرى جالعاسۋدا. قازىرگى ۋاقىتتا الەۋمەتتىك قورعالماعان جانە از قامتىلعان وتباسىلاردان شىققان 22142 وقۋشىعا 774 ملن 970 مىڭ تەڭگە بيۋدجەت قاراجاتى (جاپپاي وقىتۋ قورى) سوماسىندا كومەك كورسەتىلدى.
سونىمەن قاتار، اكسيانى الماتى قالاسىنىڭ مەسەناتتارى قولداپ، 9 022 وقۋشىعا 123 ملن 399 مىڭ تەڭگە كولەمىندە دەمەۋشىلىك كومەك كورسەتتى.
قايرتا جۇمانوۆ ءبىلىم باسقارماسى مەن جاپپاي وقىتۋ قورى تاراپىنان 1-11 سىنىپ وقۋشىلارى ءۇشىن تەگىن تاماقتانۋ ۇيىمداستىرىلعانىن اتاپ ءوتتى. بۇل ماقساتقا جەرگىلىكتى بيۋدجەتتەن قاراجات قاراستىرىلعان، 24 مىڭنان استام وقۋشى قالا مەكتەپتەرىندە تاماقپەن قامتاماسىز ەتىلگەن.