مەملەكەت باسشىسى قازاقستان حالقىنا جولداۋىندا ءبىلىم بەرۋ سالاسىن قولداۋ ساياساتى جالعاساتىنىن اتاپ ءوتتى. وڭىرلىك كوممۋنيكاسيالار قىزمەتى الاڭىندا سويلەگەن سوزىندە قالالىق ءبىلىم باسقارماسى باسشىسىنىڭ ورىنباسارى قايرات جۇمانوۆ مەگاپوليستەگى ءبىلىم بەرۋ مەكەمەلەرىنىڭ تاپشىلىعى ماسەلەسى قالاي شەشىلىپ جاتقانىن ايتتى، دەپ حابارلايدى almaty-akshamy.kz
2025 جىلعا قاراي ەلىمىزدە 1000 ءبىلىم بەرۋ مەكەمەسى سالىنۋى ءتيىس. پرەزيدەنت قازاقستان حالقىنا جولداۋىندا وسىنداي مىندەت قويدى.
«مەملەكەت باسشىسىنىڭ «حالىق بىرلىگى جانە جۇيەلى رەفورمالار — ەلدىڭ وركەندەۋىنىڭ بەرىك نەگىزى» اتتى قازاقستان حالقىنا جولداۋىن ىسكە اسىرۋ اياسىندا الماتى ءبىلىم باسقارماسى جوسپارلى جۇمىس جۇرگىزۋدە. كارانتيندىك شەكتەۋلەرگە قاراماستان، وقۋشى ورىندارىنىڭ تاپشىلىعىن ازايتۋ جانە ءبىلىم بەرۋ مەكەمەلەرىنىڭ جەلىسىن ودان ءارى كەڭەيتۋ ماقساتىندا قازىرگى ۋاقىتتا 12 600 ورىندىق 8 مەملەكەتتىك مەكتەپتىڭ قۇرىلىسى جۇرگىزىلۋدە»، - دەدى قايرات جۇمانوۆ.
الاتاۋ اۋدانىندا بەس جاڭا مەكتەپ، ناۋرىزباي اۋدانىندا تاعى ەكى، تۇركسىب اۋدانىندا ءبىر جاڭا مەكتەپ اشىلادى. سالىنىپ جاتقان مەكتەپتەردىڭ ۇشەۋى 2021 جىلدىڭ سوڭىندا پايدالانۋعا بەرىلەدى (توميريس، سايالى جانە قالقامان-2 شاعىناۋداندارىندا).
سونىمەن قاتار، بيىل مەكتەپتەردىڭ جانىنان 8 263 ورىنعا ارنالعان 17 جاڭا كورپۋستىڭ قۇرىلىسى باستالدى، ولار: №38، 60، 166، 186، 6، 132، 117، 133، 144، 121، 199، 191، 57، 177، 102، 34، 170.
«№38، 60، 166 مەكتەپتەرگە ءۇش جاڭا كورپۋستىڭ قۇرىلىسى جاڭا وقۋ جىلى باستالعانعا دەيىن، ال №6، 121، 133، 144، 170، 199 مەكتەپتەرىندەگى 4 150 ورىنعا ەسەپتەلگەن جاپسارجاي قۇرىلىستارى قىركۇيەك ايىندا اياقتالدى. سونىمەن بىرگە قالعان 8 ءبىلىم ورداسىنداعى - №34، 57، 102، 117، 132، 177، 186، №191 مەكتەپتەردەگى 4 113 وقۋشىعا ارنالعان قوسالقى عيماراتتىڭ قۇرىلىسى قاراشا ايىنىڭ سوڭىنا دەيىن اياقتالادى»، - دەدى قايرات جۇمانوۆ.
وسىلايشا، جىل سوڭىنا دەيىن 16 مىڭنان استام وقۋشى ورنى ىسكە قوسىلادى.
ءبىلىم باسقارماسى باسشىسىنىڭ ورىنباسارى بيىل الماتىلىق قۇرىلىسشىلاردىڭ №7، 40، 45، 54 جانە 81 مەكتەپ عيماراتتارىن قالپىنا كەلتىرۋ جانە سەيسميكالىق نىعايتۋ جۇمىستارىن جۇرگىزگەنىن حابارلادى. 48 مەكتەپتى قايتا قۇرۋ، №9، 43 مەكتەپتەرگە قوسىمشا قۇرىلىستار سالۋ جانە №129، 145، 166 مەكتەپتەردى سەيسميكالىق كۇشەيتۋ بويىنشا جۇمىستار باستالدى.