قالا تۇرعىندارىنا ەسكەرتۋ جاسالدى.
سينوپتيكتەردىڭ بولجاۋىنشا، قالادا 2024 جىلدىڭ 13 ناۋرىزىندا قولايسىز اۋا رايى بولادى، دەپ حابارلايدى Almaty-akshamy.kz
الماتى قالالىق توتەنشە جاعدايلار دەپارتامەنتى قالا تۇرعىندارى مەن قوناقتارىنا ماڭىزدى ەسكەرتۋ جاسادى. سينوپتيكتەردىڭ بولجاۋىنشا، قالادا 2024 جىلدىڭ 13 ناۋرىزىندا قولايسىز اۋا رايى ساقتالادى.
"13 ناۋرىزدا تۇندە الماتىدا، سونداي-اق تاۋلى ايماقتاردا قاتتى جاۋىن-شاشىن، جاڭبىر، قار كۇتىلەدى. تاۋلى ايماقتاردا سولتۇستىك-باتىستان جەل سوعادى، نايزاعاي كەزىندە جەلدىڭ ەكپىنى 15-20 مەترگە دەيىن جەتەدى" دەلىنگەن تاراتىلعان حابارلامادا.
ساراپشىلار جەكە قاۋىپسىزدىك شارالارىن ساقتاۋدى جانە تاۋعا بارۋدان باس تارتۋدى ۇسىنادى.
تاۋلى ايماقتارعا سەرۋەندەۋدى اۋا رايى قولايلى بولعانشا كەيىنگە قالدىرعان دۇرىس.
ۇيگە قايتۋدى كەشكە قالدىرماڭىز، قايتا جول تابا الماۋىڭىز مۇمكىن.
ءسىزدىڭ ريۋكزاكتارىڭىزدا مىنالار بولۋى كەرەك: جىلى كيىمدەر، توتەنشە جاعدايدا العاشقى كومەك كورسەتۋگە ارنالعان قوبديشا جانە GPS ناۆيگاتورى دا جاقسى يدەيا بولار ەدى.
ەشقاشان تاۋعا جالعىز شىقپاڭىز!
«وتباسىڭىز بەن دوستارىڭىزدى تاۋ باعىتى مەن ىقتيمال ورنالاسقان جەرى تۋرالى مۇمكىندىگىنشە ەگجەي-تەگجەيلى حاباردار ەتۋ وتە ماڭىزدى»، دەپ كەڭەس بەرەدى توتەنشە جاعدايلار دەپارتامەنتى.