اقىلباي ساپاروۆ، «QazaqGaz Aimaq» اق الماتى وندىرىستىك فيليالىنىڭ ديرەكتورى:
2023 جىلى الماتىدا ققس-سىز 447 ملن تەڭگەگە 22 نىساندى گازداندىرۋ جۇمىسى جۇرگىزىلدى. جالپى ۇزىندىعى 21 كم گاز قۇبىرى سالىندى («شۇعىلا»، «ماياك»، «شاڭىراق»، «قاراسۋ»، «راحات-مادەنيەت»، «التىن بەسىك»، «كولساي»، «الاتاۋ»، «جاس قانات»، «پەرۆومايكا» شاعىناۋداندارى مەن «الما»، «ۋيۋت»، ت.ب. باۋ-باقشا سەرىكتەستىكتەرى). گازداندىرۋدىڭ باستى سەبەبى – الاتاۋ، تۇركسىب، مەدەۋ مەن الماتىنىڭ باسقا دا اۋداندارىندا قۇرىلىستىڭ جوعارى قارقىنىنا بايلانىستى «اق داقتار» دەپ اتالاتىن جەرلەردىڭ پايدا بولۋى. جاڭادان سالىنعان گاز قۇبىرلارىنىڭ جالپى ۇزىندىعى 21 شاقىرىمدى قۇرادى. 500-گە جۋىق تۇرعىن ۇيگە گاز تاراتۋ قۇبىرلارىنا قوسىلۋ مۇمكىندىگى قاراستىرىلعان.
گازدى گاز تاراتۋ قۇبىرلارىنا باستاپقى جىبەرۋ جەكە تۇرعىن ۇيلەر دايىن بولعان كەزدە جۇزەگە اسىرىلادى. دەمەك، جوباسى بار تۇرعىن ۇيلەر، قۇرىلىس-مونتاج جۇمىستارى اياقتالىپ، قابىلداۋ شارالارى جۇرگىزىلدى. وسىلايشا الماتى قالاسىن گازداندىرۋدىڭ جالپى دەڭگەيى 99،2%-دان 99،3%-عا دەيىن ارتادى. بىلتىر الماتى قالاسىندا (تۇركسىب، جەتىسۋ، مەدەۋ، المالى، بوستاندىق، ناۋرىزباي، الاتاۋ، اۋەزوۆ اۋداندارى) گاز قۇبىرلارىن قايتا قۇرۋدا جالپى ۇزىندىعى – 26،9 كم ورتا جانە تومەن قىسىمدى جەلىلەردىڭ گاز تاراتۋ قۇبىرلارىنىڭ قايتا جاڭارتۋ جۇمىستارى اياقتالدى.
جەراستى گاز قۇبىرلارىنىڭ ۋچاسكەلەرىن اۋىستىرۋ جانە رەكونسترۋكسيالاۋ بويىنشا شارالار جەراستى گاز قۇبىرلارىن ودان ءارى پايدالانۋ مەرزىمىن ۇزارتۋى مۇمكىن. جوعارىدا اتالعان نىسان ءۇشىن پايدالانۋ مەرزىمىن ۇلعايتۋمەن قاتار، وتكىزۋ قابىلەتىن ارتتىرۋعا مۇمكىندىك بەرەتىن گاز قۇبىرىنىڭ ديامەترىن ۇلعايتۋ جوسپارلانۋدا. سونداي-اق، قولدانىستاعى تۇتىنۋشىلارعا تۇراقتى گاز قىسىمىن قامتاماسىز ەتىلدى. وسى وبەكتىلەر قىزمەت كورسەتۋ ايماعىنداعى ابونەنتتەر ۇزدىكسىز جانە ءقاۋىپسىز گازبەن جابدىقتالدى.
شگرپ رەكونسترۋكسيالاۋ – شگرپ جابدىعى 10 بىرلىك كولەمىندە اناعۇرلىم جاڭارتىلعان جابدىقتارعا اۋىستىرىلدى. مۇنىڭ نەگىزگى اسەرى قولدانىستاعى تۇتىنۋشىلاردى گازبەن جابدىقتاۋ جۇيەسىندەگى قاجەتتى گاز قىسىمىمەن قامتاماسىز ەتۋ جانە قوسىمشا تۇتىنۋشىلاردى قوسۋدى دا قامتاماسىز ەتە الاتىن گاز رەتتەۋ قوندىرعىلارىنىڭ قۋاتىن ارتتىرۋ. 16 EX ستانسياسى ورناتىلدى. بۇل شارالار جەراستى قۇبىرلارىن قورعاۋ ءۇشiن جۇرگiزiلدi. مەتالل گاز قۇبىرلارى مەن ولاردىڭ وقشاۋلاعىش جابىنىن ساقتاۋعا ۇلەس قوسادى. بۇل جاعداي جەراستى گاز قۇبىرلارىنىڭ پايدالانۋ مەرزiمiن ارتتىرۋگا مۇمكىندىك بەرەدى. بيىلعى جوسپاردا ورتا جانە تومەن قىسىمدى جەلىلەردىڭ گاز تاراتۋ قۇبىرلارى 31،7 كم قايتا قۇرىلادى. شگرپ قايتا قۇرۋ – 11 بىرلىك، ەسق قايتا قۇرۋ – 13 بىرلىك.