شاعىن جانە ورتا بيزنەس سۋبەكتىلەرى اراسىندا ۇزدىك جاڭا جىلدىق بەزەندىرۋ كونكۋرسىنا قاتىسۋعا وتىنىمدەردى ازىق-تۇلىك جانە ازىق-تۇلىك ەمەس دۇكەندەردى، قوعامدىق تاماقتانۋ جانە قىزمەت كورسەتۋ سالالارىن قوسا العاندا، كاسىپكەرلىكتىڭ 60-تان استام وكىلى بەردى، دەپ حابارلايدى aqshamnews.kz
ەستەرىڭىزگە سالا كەتەيىك، جاڭا جىل قارساڭىندا بايقاۋدىڭ ۇيىمداستىرۋشىسى الماتى قالاسىنىڭ كاسىپكەرلىك جانە ينۆەستيسيالار باسقارماسى بولدى، وتىنىمدەردى قابىلداۋ 2024 جىلعى 26 جەلتوقساننان 2025 جىلعى 13 قاڭتارعا دەيىن سوزىلدى.
كونكۋرستىق كوميسسيانىڭ قۇرامىنا الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىلارى، قوعامدىق كەڭەستىڭ، قازاقستاننىڭ رەستوراتورلار كلۋبى قاۋىمداستىعىنىڭ جانە «شوب قورعاۋ جونىندەگى تاۋەلسىز كاسىپوداق» قۇ-نىڭ مۇشەلەرى كىردى.
كەلەسى قاتىسۋشىلار ءتورت نوميناسيا بويىنشا جەڭىمپاز دەپ تانىلدى:
* «ازىق-تۇلىك دۇكەنىن ۇزدىك بەزەندىرۋ» - «راحات لوتتە» (1 ملن. تەڭگە مولشەرىندەگى سەرتيفيكات)؛
* «ازىق-تۇلىك ەمەس دۇكەندى ۇزدىك بەزەندىرۋ» - «تەللي»بيو-بۋتيك (1 ملن. تەڭگە مولشەرىندەگى سەرتيفيكات)؛
* «قوعامدىق تاماقتانۋ سالاسىنداعى وبەكتىنى ۇزدىك بەزەندىرۋ» - «Aurora» كافەسى (1 ملن. تەڭگە مولشەرىندەگى سەرتيفيكات)؛
* «قىزمەت كورسەتۋ سالاسىنداعى وبەكتىنى ۇزدىك بەزەندىرۋ» - «Busy Bee» سۇلۋلىق اۋماعى (1 ملن.تەڭگە مولشەرىندەگى سەرتيفيكات).
بايقاۋدىڭ گران-پري يەگەرى ABR مەيرامحانالار جەلىسى (2 ملن. تەڭگە كولەمىندەگى سەرتيفيكات) بولدى.
جۇلدە قورى دەمەۋشىلىك قولداۋ ەسەبىنەن قالىپتاستىرىلدى.
«بايقاۋ قالامىزدىڭ كاسىپكەرلەرى اراسىندا جوعارى بەلسەندىلىك پەن قىزىعۋشىلىقتى كورسەتتى. بيزنەس بۇل باستاماعا ۇلكەن ىنتامەن قارادى، قالا تۇرعىندارى مەن قوناقتارى ءۇشىن ەرەكشە جاڭا جىلدىق كوڭىل-كۇي قالىپتاستىرا الدى. بايقاۋدىڭ بارلىق قاتىسۋشىلارىنا كورسەتكەن بەلسەندىلىگى ءۇشىن العىس ايتامىز. ءبىز بىرگە قالامىزدى ودان دا ادەمى ءارى جايلى ەتەمىز»، - دەپ اتاپ ءوتتى ماراپاتتاۋ ءراسىمى بارىسىندا الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى الىشەر ساتىبالدييەۆ.
شاعىن جانە ورتا بيزنەس سۋبەكتىلەرى اراسىندا ۇزدىك جاڭا جىلدىق بەزەندىرۋ كونكۋرسىن ۇيىمداستىرۋ جوعارى الەۋمەتتىك جانە مادەني ماڭىزعا يە.
مۇنداي باستامالار مەرەكەلىك اتموسفەرانى قۇرۋعا، قالالىق ەستەتيكانى جاقسارتۋعا، تۇرعىندار ءۇشىن قولايلى ورتانى نىعايتۋعا جانە مەگاپوليستىڭ تۋريستىك تارتىمدىلىعىن دامىتۋعا ىقپال ەتتى.