الماتىدا جاس ورىنداۋشىلاردىڭ حالىقارالىق بايقاۋى ءوتتى
«الماتىم جۇرەگىمدە – 2022» بايقاۋى 4-5 جەلتوقساندا ءوتتى، وعان يزرايل، بولگاريا، ليتۆا، بەلارۋس، ارمەنيا، گرۋزيا، وزبەكستان، قىرعىزستان جانە قازاقستاننان 20-35 جاس ارالىعىنداعى 15 جاس ورىنداۋشى قاتىستى، دەپ حابارلايدى اlmaty-akshamy.kz
بايقاۋدىڭ ءبىرىنشى كۇنى قاتىسۋشىلار قازىلار القاسىنىڭ مۇشەلەرىنە ءوز ەلىنىڭ حيت-شەرۋلەرىندە جەتەكشى ورىن الاتىن تانىمال ەسترادالىق شىعارمالاردى ۇسىندى. بايقاۋدىڭ ەكىنشى كۇنى ەسترادالىق-سيمفونيالىق وركەستردىڭ سۇيەمەلدەۋىمەن قازاقستاندىق اندەر ورىندالدى.
بايقاۋ قورىتىندىسى بويىنشا گران-پري نوميناسياسى جانە 2 000 000 تەڭگە قازاقستاندىق ءانشى ءادىلحان ماكينگە بەرىلدى، ءبىرىنشى ورىن مەن 1 500 000 تەڭگەگە ارمەنيادان كەلگەن سيۋزاننا مەلكونيان يە بولدى، ال ەكىنشى ورىن جانە 1 000 000 تەڭگەلىك ماراپاتتى ەكى ءانشى ءبولىستى، ولار - قازاقستاندىق ءانشى ءمادي سىزدىقوۆ پەن موردوۆيادان كەلگەن ۆياچەسلاۆ ياۆكين. 500 000 تەڭگە جۇلدەسى بار ءۇشىنشى سىيلىقتى بەلارۋسسيالىق ورىنداۋشى اناستاسيا راچينسكايا، گرۋزيا ءانشىسى گەورگيي تاكايدزە جانە بولگاريادان كەلگەن حريستيانا جدانوۆا ءوزارا ءبولىستى.