الماتىلىقتار جاڭا «وميكرون» شتامى كەلگەنگە دەيىن ۆاكسينالانۋ جانە قايتا ۆاكسينالانۋ قاجەت
الماتى قالاسىنىڭ قوعامدىق دەنساۋلىق باسقارماسىنىڭ باسشىسى ناريمان تابىنبايەۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا قالاداعى ۆاكسينالار Pfizer تيىمدىلىگى جاعىنان كەم تۇسپەيتىنىن ايتىپ، مەگاپوليستەگى ەگۋ ناۋقانىنىڭ قارقىنىن «وميكرون» كەلگەنگە دەيىن ارتتىرۋ كەرەكتىگىن اتاپ ءوتتى، دەپ حابارلايدى اlmaty-akshamy.kz
ناريمان تابىنبايەۆتىڭ ايتۋىنشا، بۇگىندە الماتىدا 585 700 دوزا ۆاكسينا بار، ونىڭ ىشىندە سپۋتنيك-V – 33 756، QazVac – 50 009، Vero Cell – 223 755 جانە 277 987 – Pfizer ۆاكسينالارى.
قدب باسشىسى ۆاكسينالاۋ اۋرۋدىڭ اۋىر اعىمىنان قۇتىلۋعا مۇمكىندىك بەرەتىنىن ەسكە سالدى. ول ازاماتتاردى «وميكرون» شتامى انىقتالعان جاعدايدا ماكسيمالدى قاۋىپتەرگە دايىندالۋعا شاقىردى. قالىپتاسقان جاعدايدا دارىگەرلەر ريەۆاكسيناسياعا سۇيەنەدى. ن. تابىنبايەۆ سونداي-اق ەكپە جاساعانداردى قايتا ۆاكسينالانۋعا شاقىردى. ازىرگە ءۇشىنشى ۆاكسينانى 45 503 الماتىلىق الدى.
«ۆاكسينالانۋ ءوزىنىڭ تيىمدىلىگىن كورسەتتى. ريەۆاكسيناسيا جونىندەگى ناۋقاندى جالعاستىرۋ قاجەت. بۇگىندە اقىلى ۆاكسينالاۋعا ارنالعان Pfizer پرەپاراتى جوق. مەن تۇرعىنداردى قولدا بار QazVac جانە Vero Cell ۆاكسينالارىمەن قايتا ۆاكسينالانۋعا شاقىرامىن، ولاردىڭ تيىمدىلىگى ەش كەم تۇسپەيدى»، – دەپ اتاپ ءوتتى ناريمان تابىنبايەۆ.
- «وميكرون» ينفەكسيانىڭ باسقا نۇسقالارىنا قاراعاندا تەزىرەك تارالادى، - دەيدى ءبولىم باسشىسى. ونىڭ ايتۋىنشا، قازىرگى ۋاقىتتا ينفەكسيالىق ستاسيونارلاردا 131 ادام بار (كوۆيدتىك ناۋقاستار ءۇشىن انىقتالعان توسەك قورىنىڭ 12%-ى جۇمىس ىستەيدى، بارلىعى 900-گە جۋىق توسەك-ورىن بار).
بۇگىندە ۇيدە بمسك جانە تەلەمەديسينا ورتالىعىنىڭ ءموبيلدى بريگادالارىنىڭ باقىلاۋىندا 274 پاسيەنت بار.
الماتىدا قازىرگى ۋاقىتتا ۆاكسينانىڭ ءبىرىنشى كومپونەنتىن 1 066 150 ادام، ەكى كومپونەنتتى 1 005 246 قالا تۇرعىنى الدى. وتكەن تاۋلىكتە ءبىرىنشى كومپونەنتپەن 1 700 ادام ۆاكسينالاندى. Pfizer (Comirnaty) كومپانياسىنىڭ پرەپاراتىمەن 26 164 ادام ەگىلدى، ونىڭ ىشىندە 1 458 جۇكتى ايەل، 5 231 بالا ەمىزەتىن ايەل جانە 19 475 ءجاسوسپىرىم بار.