ىندەت ەشكىمدى ايامايدى.
№8 ەمحانانىڭ باس دارىگەرى فاريدا اعىبايەۆا وزدەرىندە كوروناۆيرۋس سيمپتومدارىن بايقاعان الماتى تۇرعىندارىنا جاسىرۋدىڭ نەگە ءقاۋىپتى ەكەنىن ءتۇسىندىردى، دەپ حابارلايدى Almaty-akshamy.kz.
ەسكە سالساق، بۇگىندە قالاداعى ەپيدەميولوگيالىق احۋال شيەلەنىسكەن كۇيىندە قالىپ وتىر. ءبىر اپتا ىشىندە الماتىدا كۆي اۋرۋىن تىركەۋ 1،5 ەسەگە ءوستى. بۇل ۆاكسينالانباعانداردىڭ سىرقاتتانۋىنىڭ جالعاسۋىنا جانە كوروناۆيرۋس ينفەكسياسىنىڭ «دەلتا» شتامىمەن سىرقاتتانبانعانىنا بايلانىستى.
دارىگەردىڭ ايتۋىنشا، سۋىق تيۋگە دە، COVID-19-عا دا ۇقساس سيمپتومدار ءتان: تاماق اۋرۋى، جوتەل، قىزبا جانە مۇرىننان سۋ اعۋ. كوروناۆيرۋستىڭ كوپتەگەن جاعدايلارى بىرىكتىرىلگەن بەلگىلەردەن باستالادى. ياعني، باكتەريالىق ينفەكسيا قوسىلادى – اۋىرۋ نەمەسە تاماقتىڭ جىبىرلاۋى مۇمكىن.
قالاي بولعاندا دا، رەسپيراتورلىق اۋرۋدىڭ سيمپتومدارى پايدا بولعان كەزدە، دۇربەلەڭ شىعارماعان ءجون، - دەيدى دارىگەر.
«كوروناۆيرۋستىڭ جاڭا ءتۇرىنىڭ ينكۋباسيالىق كەزەڭى وتە قىسقا، ينفەكسيانىڭ دامۋى بىرنەشە كۇنگە سوزىلادى. سوندىقتان ادامدار جرۆي-مەن اۋىرىپ قالدىم، ۋلاندىم دەپ ويلاي باستايدى جانە ولار ۇيدەگى دارى-دارمەكتەرمەن ەمدەلۋگە تىرىسقاندا، ولاردا ينفەكسيانىڭ دامىعان ساتىسى بار ەكەنى بەلگىلى بولادى، اۋرۋ وتە اۋىر جۇرەدى. وسىعان بايلانىستى، جەدەل رەسپيراتورلىق ۆيرۋستىق ينفەكسيالار مەن جەدەل رەسپيراتورلىق ينفەكسيالاردىڭ بەلگىلەرى پايدا بولعان كەزدە، سىزگە شۇعىل مەديسينالىق كومەككە جۇگىنۋدى، تۇرعىلىقتى جەرىڭىز نەمەسە بەكىتىلگەن جەرىڭىز بويىنشا دارىگەردى شاقىرۋدى ۇسىنامىز»، - دەدى ف. اعىبايەۆا.
پتر مەن قان ءاناليزى دياگنوزدى انىقتاۋعا كومەكتەسەدى.
№8 ەمحانانىڭ باس دارىگەرى كوروناۆيرۋس سيمپتومدارى بايقالعان الماتى تۇرعىندارىن قورىقپاي، دارىگەرگە قارالۋعا شاقىردى. ەگەر جاعدايى اۋىر بولماسا، ناۋقاس امبۋلاتوريالىق جاعدايدا ەمدەلەدى جانە تەلەمەديسينا ورتالىعىنىڭ ماماندارىنىڭ باقىلاۋىندا بولادى.