الماتىدا تاكسي جۇرگىزۋشىسىنە قوقان-لوقى جاساعاندار قۇرىقتالدى

قىلمىس ءتۇبى - جازا.

قالادا تاكسي جۇرگىزۋشىسىن تۇنشىقتىرىپ، قاراقشىلىق شابۋىل جاساعاندار ۇستالدى، دەپ حابارلايدى Almaty-akshamy.kz. Polisia.kz سايتىنا سىلتەمە جاساپ.

جاقىندا، 3 تامىز كۇنى، “حالىق ارەنا” ايماعىندا تاكسي جۇرگىزۋشىسىنە قاراقشىلىق شابۋىل جاسالدى. پوليسيا بۇرىن قاراقشىلىق شابۋىل جانە توناۋ بويىنشا سوتتالعان كۇدىكتىلەردى تەز ارادا ۇستادى. “ياندەكس تاكسي” جۇرگىزۋشىسى بولىپ جۇمىس ىستەيتىن 25 جاستاعى قىزعا شابۋىل جاسالدى. تۇنگى ساعات ءبىر جارىم شاماسىندا ول ءوتىنىمدى قابىلدادى، كليەنتتەردى “ساياحاتتىڭ” اۋدانىنا الىپ بارۋ كەرەك بولدى. جابىرلەنۋشى قىزدىڭ ايتۋىنشا، كولىككە ەكى ماس جىگىت وتىرعان. كورسەتىلگەن مەكەنجايعا جەتكەن سوڭ، ولاردىڭ ءبىرى جۇرگىزۋشىنى موينىنان قىلقىندىرادى. ەسىنەن تانىپ قالعان قىز جولاۋشىلار وتىراتىن ارتقى ورىندىقتىڭ ەدەنىندە ويانادى. قاراقشىلار ونىڭ بانك كارتاسى مەن تەلەفونىن الىپ العان. “تەرەكتى” ىقشاماۋدانىنىڭ ايماعىندا قىزدى كولىكتەن شىعارىپ جىبەرەدى. وسىدان كەيىن عانا جابىرلەنۋشى پوليسياعا حابارلاسا الادى. كەلگەن پوليسيا قىزمەتكەرلەرىنە كۇدىكتىلەردىڭ بەلگىلەرىن ايتقان سوڭ، جەدەل ىزدەستىرۋ ءىس-شارالارى بارىسىندا كۇدىكتىلەر انىقتالىپ، ۇستالدى.

ولار بۇرىن بىرنەشە رەت سوتتالعان 34 جانە 23 جاستاعى ەر ادامدار بولىپ شىقتى.

اتالعان فاكت بويىنشا ق ر قك-نىڭ 191-بابى 2ء-بولىمى 3-تارماعىنا سايكەس سوتقا دەيىنگى تەرگەۋدىڭ ءبىرىڭعاي تىزىلىمىندە قىلمىستىق ءىس قوزعالدى. كۇدىكتىلەر الماتى قالاسى ءپد-نىڭ ۋاقىتشا ۇستاۋ يزولياتورىنا قامالدى.