بۇل ىسكە اتا-انالار، ءبىلىم بەرۋ مەكەمەلەرى مەن قوعام بەلسەندى اتسالىسىپ جاتىر.
پوليسيا الماتىلىقتارعا بالالاردىڭ جولداعى قاۋىپسىزدىگى تۋرالى ەسكەرتتى، - دەپ حابارلايدى aqshamnews.kz Polisia.kz-كە cىلتەمە جاساپ.
الماتى قالاسىندا بالالاردىڭ قاتىسۋىمەن ورىن العان جول-كولىك وقيعالارى الاڭداتارلىق جاعدايعا جەتتى. وتكەن جىلى قالا كوشەلەرىندە 1 511 جول اپاتى تىركەلىپ، سونىڭ سالدارىنان 1 641 بالا ءتۇرلى دارەجەدەگى جاراقات الدى، وكىنىشكە قاراي، ءتورت بالا اجال قۇشتى. قايعىلى جاعدايلاردىڭ الدىن الۋ ءۇشىن الماتىدا پوليسيا جول قاۋىپسىزدىگىنە قاتىستى الدىن الۋ شارالارىن كۇشەيتۋدە.
«بالالاردىڭ جولداعى قاۋىپسىزدىگى كوپتەگەن فاكتورلارعا بايلانىستى. سونىڭ ىشىندە ءقاۋىپسىز ينفراقۇرىلىم ماڭىزدى ءرول اتقارادى. سوندىقتان ءبىز كەشەندى ءتاسىلدى ۇستانامىز. پوليسيا بولىمشەلەرى جول-كولىك جەلىسىن زەرتتەپ، قاجەتتى وزگەرىستەر ەنگىزۋگە ۇسىنىستار بەرەدى. وتكەن جىلى جول ينفراقۇرىلىمىن جاقسارتۋ ماقساتىندا 300-دەن استام ۇيعارىم جىبەرىلدى. ءبىزدىڭ اۋدان بويىنشا وتكەن جىلى بالالاردىڭ قاتىسۋىمەن 341 جول-كولىك وقيعاسى تىركەلدى. وكىنىشكە قاراي ءبىر بالا كوز جۇمىپ، تاعى 370ء-ى جاراقات الدى. بۇل – تەك ءبىر وتباسىنىڭ قايعىسى ەمەس، بۇكىل قوعامعا ورتاق اۋىرتپالىق. جول قاتەلىكتى كەشىرمەيدى. سوندىقتان بالالارىڭىزدىڭ قاۋىپسىزدىگىنە مۇقيات بولىڭىزدار»، – دەيدى الاتاۋ اۋداندىق پوليسيا باسقارماسى اكىمشىلىك پوليسيا ءبولىمىنىڭ باسشىسى شىڭعىس نۇراحمەتوۆ.
پوليسيا وكىلدەرىنىڭ ايتۋىنشا، "ءقاۋىپسىز جول" رەسپۋبليكالىق جەدەل-الدىن الۋ شاراسى اياسىندا ءتارتىپ ساقشىلارى مەكتەپ وقۋشىلارىمەن تۇراقتى كەزدەسۋلەر وتكىزىپ كەلەدى. سونىڭ بىرىندە پوليسەيلەر №152 جالپى ءبىلىم بەرەتىن مەكتەپتە قۇقىقتىق تاربيە ساعاتىن ۇيىمداستىردى. كەزدەسۋ بارىسىندا بالالارعا جول قوزعالىسى ەرەجەلەرى ءتۇسىندىرىلىپ، سۇراق-جاۋاپ وتكىزىلىپ، ارنايى يلليۋستراسيالىق بۋكلەتتەر تاراتىلدى. سونداي-اق "جاس ساقشى" سىنىبىنىڭ وقۋشىلارىنا قىزمەتتىك كولىك كورسەتىلىپ، ونىڭ جۇمىس ىستەۋ پرينسيپتەرى تانىستىرىلدى.