قاڭتاردان باستاپ اەك مولشەرى وزگەردى. ءقازىر ول 3450 تەڭگەنىڭ ورنىنا 3692 تەڭگەنى قۇرايدى. وسىعان بايلانىستى الەۋمەتتىك تولەمدەر مەن ايىپپۇلداردىڭ مولشەرى ۇلعايدى.
وسى جىلعا ارنالعان تولەمدەر تۋرالى اقپاراتتى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسىنىڭ ازاماتتارعا ارنالعان ۇكىمەت فيليالىنىڭ ەلەكتروندىق ءىس ماكەتتەرىن باقىلاۋ جانە زاڭدى جانە جەكە تۇلعالارمەن جۇمىس جونىندەگى باسقارماسىنىڭ باسشىسى ءنايلا مۇحامەتقالييەۆا تانىستىردى، دەپ حابارلايدى Almaty-akshamy.kz.
ونىڭ سوزىنشە، 2024 جىلدىڭ 1 قاڭتارىنان باستاپ قازاقستاندا ەڭ تومەنگى جالاقى مولشەرى 85 مىڭ تەڭگەنى قۇراپ وتىر.
سونىمەن بىرگە، ول 2024 جىلى وزگەرتىلگەن كورسەتكىشتەر بويىنشا جاڭا مالىمەتتەر كەلتىردى:
ايلىق ەسەپتىك كورسەتكىش (اەك) – 3 692 تەڭگە مولشەرىندە؛
ەڭ تومەنگى زەينەتاقى – 57 853 تەڭگە؛
كۇنكورىس دەڭگەيى (جم) - 43 407 تەڭگە؛
بازالىق زەينەتاقى تولەمىنىڭ ەڭ تومەنگى مولشەرى – 28 215 تەڭگە.
مۇگەدەكتىگى بار ازاماتتار ءۇشىن دە تولەنەتىن جاردەماقى مولشەرى دە ءوستى. مۇگەدەكتىكتىڭ ءبىرىنشى توبى ءۇشىن-95486 تەڭگەگە دەيىن، II توپ ءۇشىن - 76397 تەڭگە، III توپ ءۇشىن-52089 تەڭگە.
7 جاسقا دەيىنگى مۇگەدەكتىگى بار بالالارعا تولەنەتىن تولەم مولشەرى 69886 تەڭگەنى قۇرايدى. 7 جاستان 18 جاسقا دەيىنگى، بالا كەزىنەن I توپتاعى مۇگەدەكتىگى بار بالالار ءۇشىن - 95496 تەڭگە، II توپتاعى مۇگەدەكتىك - 79435 تەڭگە، III توپتا - 69886 تەڭگە.
«قازاقستاندا زياندى ەڭبەك جاعدايلارىندا جۇمىس ىستەيتىندەر ءۇشىن ارنايى تولەمدەر ەنگىزىلدى»، - دەدى ول.
ارناۋلى الەۋمەتتىك تولەمدەر ءتورت كوزدەن جۇزەگە اسىرىلادى: رەسپۋبليكالىق بيۋدجەتتەن ەڭ تومەنگى كۇنكورىس دەڭگەيىنىڭ 2 ەسەلەنگەن مولشەرىندە؛ ۇكىمەتتىڭ قاۋلىسىمەن بەكىتىلگەن تارتىپپەن بجزق-دان قولدا بار زەينەتاقى جيناقتارىن ەسكەرە وتىرىپ؛ ءومىردى ساقتاندىرۋ كومپانيالارىنان 1 كۇنكورىس دەڭگەيى مولشەرىندە؛ جۇمىس بەرۋشىلەردىڭ قاراجاتى ەسەبىنەن 1 كۇنكورىس دەڭگەيى مولشەرىندە. بۇدان باسقا، قىزمەتكەرلەرگە قولدا بار زەينەتاقى جيناقتارىن ەسكەرە وتىرىپ، مىندەتتى زەينەتاقى جارنالارى ەسەبىنەن جزق-دان تولەمدەر الۋ قۇقىعى بەرىلەدى.
سپيكەر اەك كوپتەگەن الەۋمەتتىك تولەم تۇرلەرىن ەسەپتەۋدە قولدانىلاتىنىن اتاپ، ءتۇسىندىرىپ ءوتتى:
مىندەتتى زەينەتاقىمەن قامسىزداندىرۋ جانە مىندەتتى مەديسينالىق ساقتاندىرۋ جارنالارى؛
بالا تۋىلعان كەزدەگى ءبىرجولعى تولەمدەر؛
جۇمىسسىزدىق بويىنشا اي سايىنعى جاردەماقى مولشەرى؛
ەڭبەككە ۋاقىتشا جارامسىزدىق بويىنشا اي سايىنعى جاردەماقى مولشەرى؛
1،5 جاسقا تولعانعا دەيىن بالا كۇتىمى بويىنشا اي سايىنعى جاردەماقى مولشەرى؛
18 جاسقا دەيىنگى بالالارعا اي سايىنعى جاردەماقى مولشەرى.
سونداي اق ءبىرقاتار مەملەكەتتىك قىزمەتتەردەگى مەملەكەتتىك باجداردىڭ سوماسى وزگەردى:
-جەكە كۋالىك (0،2 اەك) - 738 تەڭگە.
- شەتەلدىك ءتولقۇجات - 36 بەت (8 اەك) – 29 536 تەڭگە.
- 48 بەت (12 اەك) – 44 304 تەڭگە.
- بالالار پاسپورتى - 24 بەت (4 اەك) – 14 768 تەڭگە.
- جۇرگىزۋشى كۋالىگى (1،25 اەك) – 4 615 تەڭگە.
- تۋۋ تۋرالى كۋالىك تەگىن، قايتا بەرۋ (0،5 اەك) – 1 846 تەڭگە.
- نەكە قيۋ تۋرالى كۋالىك (1 اەك) – 3 695 تەڭگە، قايتا بەرۋ (0،5 اەك) – 1846 تەڭگە.
- اجىراسۋعا ءوتىنىش بەرۋ (2 اەك) – 7384 تەڭگە.
وكق سپيكەرى فيليال مەملەكەتتىك قىزمەتتەردى الۋدىڭ ىڭعايلىلىعى مەن قولجەتىمدىلىگى ءۇشىن الماتى قالاسى بويىنشا فيليالدىق جەلىنى كەڭەيتۋ بويىنشا جۇمىس جۇرگىزىپ جاتقانىن ايتتى:
الماتى قالاسىنىڭ 8 اۆتوسالونىندا كولىك قۇرالدارىن تىركەۋ بويىنشا قۇجاتتاردى قابىلداۋ ۇيىمداستىرىلدى.
تيميريازيەۆ كوشەسى، 28 ا مەكەنجايىنداعى «BI Group» ج ش س بەرۋ شارتتارىن تىركەۋ بويىنشا اقىلى قىزمەتتەر كورسەتۋ ءۇشىن 1 جۇمىس ورنى ۇيىمداستىرىلدى.
دايىن قۇجاتتاردى بەرۋ بويىنشا الاتاۋ، اۋەزوۆ جانە مەدەۋ اۋداندىق فرونت وفيستەرىندە پوستاماتتار ورناتىلىپ - 24/7 رەجيمىندە تاۋلىك بويى جۇمىس ىستەيتىن دايىن قۇجاتتاردى بەرۋ ايماعى ۇيىمداستىرىلدى.
ەكىنشى دەڭگەيدەگى بانكتەردىڭ قوسىمشالارى ارقىلى راسىمدەلگەن جۇرگىزۋشى كۋالىكتەرى مەن كولىك قۇرالدارى بويىنشا جاندوسوۆ، 51 مەكەنجايى بويىنشا دايىن قۇجاتتاردى بەرۋ سەكتورى اشىلدى.
«ۇلتتىق قور بالالارعا» باعدارلاماسى اياسىندا سولتۇستىك اينالىمداعى اقبۇلاق بازارىندا بالالار تۋرالى مالىمەتتەردىڭ بار-جوعىن تەكسەرۋ ءۇشىن «ەلەكتروندىق ۇكىمەت» ۆەب-پورتالىنىڭ «بالالار تۋرالى مالىمەتتەر» بولىمىندە 1 جۇمىس ورنى ۇيىمداستىرىلدى، دەرەكتەر بولماعان جاعدايدا، ەلەكتروندىق ۇكىمەتتىڭ سول پورتالىندا احاج رپ دەرەكتەرىن وزەكتەندىرۋ قىزمەتىن الۋعا بولادى.
جاڭارتىلعان حقكو سانى دا كوبەيۋدە.