قالا تۇرعىندارىن 30 ملن تەڭگەگە الداپ سوققان الاياق قۇرىققا ءتۇستى
المالى اۋدانىنىڭ پوليسيا قىزمەتكەرلەرى 39 جاستاعى پ.ەسىمدى ازاماتقا قاتىستى ق ر قك-نىڭ 190-بابى 3-بولىگى بويىنشا قىلمىستىق ءىس قوزعادى. ەر ادام الماتىنىڭ بىرنەشە تۇرعىنىن الداعان دەگەن كۇدىككە ءىلىندى، دەپ حابارلايدى اlmaty-akshamy.kz Polisia.kz-كە سىلتەمە جاساپ.
«ەر ادام بىرنەشە الماتىلىقتاردى الداعان دەگەن كۇدىككە ءىلىندى. ونىڭ ارەكەتىنەن كەلتىرىلگەن جالپى ماتەريالدىق شىعىن شامامەن 30 ميلليون تەڭگەنى قۇراعان. الدانعان ازاماتتار كۇدىكتىنىڭ زاڭسىز ارەكەتتەرىن ءوز ارىزدارىندا كورسەتكەن. ارىزدانۋشىلاردىڭ ءبىرىنىڭ نۇسقاسىنا سايكەس، ول پ.ەسىمدى ازاماتپەن ينتەرنەتتە تانىسقان. جاڭا تانىسى ءباا نەمەسە ەۋروپادان نارىقتان تومەن باعاعا كولىك الۋعا كومەكتەسۋدى ۇسىندى. كۇدىكتىگە 30 مىڭ دوللار كولەمىندە اقشا اۋدارىلعاننان كەيىن ول بايلانىسقا شىعۋىن توقتاتقان»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
كۇدىكتى قاماۋعا الىندى. ءىستى قاراۋ بارىسىندا ونىڭ تاعى بىرنەشە وسىعان ۇقساس ەپيزودتارعا قاتىسى بار ەكەنى انىقتالدى – قاسكوي كەپىلگە قويىلعان پاتەرلەردى ساتىپ الۋعا مۇمكىندىك بەرەمىن دەگەن جەلەۋمەن جەرگىلىكتى تۇرعىنداردىڭ اقشاسىن جىمقىرعان. بۇل جولى ول ءوزىن ەكىنشى دەڭگەيلى بانكتەردىڭ ءبىرىنىڭ تاراتۋ كوميسسياسىنىڭ مۇشەسى رەتىندە كورسەتتى.
«تاعى ءبىر ەپيزودتا پ.ەسىمدى ازامات قىلمىستىق ءىستى توقتاتۋعا كومەكتەسۋگە ۋادە بەرگەن. ۇستالعان ادامعا قاتىستى سوتقا دەيىنگى تەرگەۋ مەرزىمىندە قاماۋعا الۋ تۇرىندەگى بۇلتارتپاۋ شاراسى تاڭدالدى. وسى تۇلعانىڭ الاياقتىق ارەكەتىنەن زارداپ شەككەن ازاماتتار مىنا تەلەفون نومىرلەرى ارقىلى حابارلاسۋلارىڭىزدى سۇرايمىز: 8-708-707-9202؛ 8-705-555-7763؛ 8-775-719-2727»، – دەپ قورىتىندىلادى ىسقاقوۆ.