جالپى ماتەريالدىق شىعىن 25 ملن تەڭگەدەن اسادى.
الاتاۋ اۋدانى پوليسەيلەرىنىڭ مالىمەتىنشە، قالا تۇرعىندارىنا «جاقسى جاعداي جاسايمىن» دەپ الداپ كەتكەن 44 جاستاعى د.ەسىمدى ازاماتشا ۇستالدى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
«تەرگەۋ بارىسىندا ايەلدىڭ ادامداردىڭ سەنىمىنە كىرىپ، جەر تەلىمدەرىن، پاتەرلەردى جانە باسقا دا جىلجىمايتىن مۇلىكتى نارىق باعاسىنان تومەن باعاعا ساتىپ الۋدى ۇسىنعانى انىقتالدى. «كليەنتتەر» جەتكىلىكتى بولدى. كۇدىكتى ادامداردان «ساتىپ الۋ» ورنىنا قاراي 2 ميلليوننان 7 ميلليونعا دەيىن باستاپقى جارنانى الىپ، ساتىپ الۋشىنىڭ اقشاسىمەن ءىز-تۇزسىز جوعالىپ كەتكەن. قازىرگى ۋاقىتتا ونىڭ 14 الاياقتىققا قاتىسقانى دالەلدەندى، – دەيدى الاتاۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
جالپى ماتەريالدىق شىعىن 25 ملن تەڭگەدەن اسادى. كۇدىكتى ۇستالدى جانە، ق ر قىلمىستىق ءىس جۇرگىزۋ كودەكسىنىڭ 128-بابىنا سايكەس، ۋاقىتشا ۇستاۋ يزولياتورىنا قامالدى.
«ايتپاقشى، بۇرىن د.ەسىمدى ازاماتشانىڭ سوتتىلىعى بولعان جوق. الايدا ونىڭ باسقا ەپيزودتارعا قاتىسى بار بولۋى مۇمكىن ەكەندىگى جوققا شىعارىلمايدى. وسىعان وراي، ازاماتتاردى سۋرەتكە قاراپ، جەكە باسىن انىقتاعان جاعدايدا مىنا تەلەفون نومىرلەرى ارقىلى حابارلاسۋلارىن سۇرايمىز: 227-55-02؛ 8-708-380-54-00؛ 8-708-374-74-25»، – دەيدى پوليسيا.