ول تۇرعىن ۇيلەردىڭ ءبىرىنىڭ اۋلاسىنان تابىلدى.
الماتىدا جەتى مىلتىق پەن وق-دارىلەر جاسىرىلعان ورىن تابىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جاسىرىلعان ورىن قالانىڭ الاتاۋ اۋدانىنداعى 13ء-شى ىقشاماۋدانىنان انىقتالدى. ول تۇرعىن ۇيلەردىڭ ءبىرىنىڭ اۋلاسىنان تابىلدى.
«جەدەل تەرگەۋ توبى 12 كاليبرلى 7 تەگىس ۇڭعىلى مىلتىق، پىشاقتار، 200-دەن استام پاترون، سونداي-اق وپتيكالىق كوزدەۋىشتەردى تاركىلەدى. بۇل قارۋدىڭ 6 قاڭتارعا قاراعان ءتۇنى قارۋ-جاراق دۇكەنىنەن ۇرلانعانى انىقتالدى. قازىرگى ۋاقىتتا جەدەل ىزدەستىرۋ شارالارىمەن قارۋدى جاسىرعان ورىن اۆتورلارىنىڭ جەكە باسى انىقتالۋدا، ولار ودان ءارى جاۋاپكەرشىلىككە تارتىلادى. اتالعان دەرەك بويىنشا ق ر قك-نىڭ 287-بابى 2-بولىگىنە سايكەس، سوتقا دەيىنگى تەرگەۋ امالدارى باستالدى»، – دەدى الاتاۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.