الماتىلىقتاردى الداعان قوس الاياق ۇستالدى

الاياقتاردىڭ ارباۋىنا تۇسكەن جابىرلەنۋشىلەردىڭ ءبارىنىڭ وقيعاسى ۇقساس بولىپ شىقتى. 

الاياقتىق جايىندا قالانىڭ بىرنەشە تۇرعىنى پوليسياعا حابارلاسقاننان كەيىن بەلگىلى بولدى. بارلىعىنىڭ وقيعاسى بىردەي بولدى. پاتەردى ساتىپ الۋ كەزىندە “ساتۋشى” اقشانى الىپ، ءىز-تۇسسىز كەتكەن. 55 جاستاعى ك.ەسىمدى ازامات پەن 40 جاستاعى ايەل يپوتەكادا تۇرعان پاتەرلەرى بار ەكەندىگىن جانە قالىپتاسقان جاعدايعا بايلانىستى تەز ارادا ارزانداتىلعان باعامەن ساتىلىپ جاتقانى تۋرالى اقپارات تاراتقان. ارينە، ساتىپ الۋشىلار از بولمادى. الاياقتار پاتەردى “ساتقاننان” كەيىن اقشاسىن الىپ، بايلانىسسىز كەتكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.

"كريمينالدىق پوليسيا قىزمەتكەرلەرى بۇل قىلمىستى جاسادى دەگەن كۇدىكتىلەردى انىقتاپ، ۇستادى. قازىرگى ۋاقىتتا پوليسيا باسقارماسىنا 7 جابىرلەنۋشىنىڭ ارىزى تۇسكەن. اسا ءىرى كولەمدەگى الاياقتىق دەرەگى بويىنشا ق ر قك-نىڭ 190-بابى 3-بولىگىنىڭ 1-تارماعىنا سايكەس قىلمىستىق ءىس قوزعالدى"، – دەيدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.

قازىرگى ۋاقىتتا قوسىمشا تەرگەۋ امالدارى جۇرگىزىلۋدە. ال ۇستالعان ادامدار بۇرىن جاسالعان وسىنداي قىلمىستارعا قاتىسى بار-جوعىنا تەكسەرىلىپ جاتىر.