تەندەرلەردە جەڭەمىن دەپ الماتىلىقتاردى 300 ملن تەڭگەگە الداپ كەتكەن ايەل قولعا ءتۇستى.
اۋەزوۆ اۋدانىنىڭ پوليسەيلەرى الاياقتىق جاساعانى ءۇشىن 37 جاستاعى س. ەسىمدى ازاماتشانى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
"قىلمىستىق ءىس ماتەريالدارىنا سايكەس، كۇدىكتى “جاقسى تانىستارىنا” سىلتەمە جاساي وتىرىپ، ازاماتتارعا تەندەرلەرگە قاتىسۋعا جانە جەڭىسكە جەتۋگە ۋادە بەرگەن. قازىرگى ۋاقىتتا ءبىزدىڭ بولىمشەدە س. ەسىمدى ازاماتشانىڭ قاتىسى بار بەس قىلمىستىق ءىس تەرگەلۋدە. جابىرلەنۋشىلەرگە كەلتىرىلگەن ماتەريالدىق شىعىن كولەمى 300 ميلليون تەڭگەنى قۇرايدى. كۇدىكتى ءقازىر قاماۋدا وتىر. سوتقا دەيىنگى تەرگەۋ جالعاسۋدا. ايەلدىڭ باسقا دا ەپيزودتارعا قاتىسى بار-جوعى انىقتالۋدا"، – دەدى اۋەزوۆ اۋداندىق پب باستىعى ۇلان ءابىلقايىر.