بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا №7 ەمحانانىڭ باس دارىگەرىنىڭ ورىنباسارى نۇربول جۇمابەكوۆ مالىمدەدى. الماتى قالاسى بويىنشا ەكى كۇن ىشىندە 315 ادام قايتا ۆاكسينالاندى دەپ حابارلايدى almaty-akshamy.kz
- 22 قاراشادان باستاپ بارلىق قالالىق ەمحانالاردا ريەۆاكسيناسيا ناۋقانى باستالدى. بۇگىندە ەكپەنى مەديسينا قىزمەتكەرلەرى، پەداگوگتار، كۇش قۇرىلىمدارىنىڭ قىزمەتكەرلەرى، مەديسينالىق-الەۋمەتتىك مەكەمەلەردىڭ قىزمەتكەرلەرى مەن كونتينگەنتى، 60 جاستان اسقان جانە يممۋنيتەتى تومەن ادامدار الا الادى، - دەدى ەمحانا باس دارىگەرىنىڭ ورىنباسارى.
نۇربول جۇمابەكوۆتىڭ ايتۋىنشا، ريەۆاكسيناسيا بۇرىن جاسالعان ەكپەنىڭ تومەندەگەن تيىمدىلىگىن قايتارادى جانە جوعارىلاتادى. سونىمەن قاتار، ول ۆەكتورلىق ۆاكسينالاردى ەنگىزگەننەن كەيىن – 9 ايدان كەيىن، ال بەلسەندى ەمەس ۆاكسينالار مەن م-رنق ۆاكسينالارىنان كەيىن – 6 ايدان كەيىن جاسالادى.
ريەۆاكسيناسيا تۋرالى ايتا كەلە، نۇربول جۇمابەكوۆ ەگىلمەگەن حالىقتى ۆاكسينانىڭ ەكى كومپونەنتىن الۋعا شاقىردى. وسى ۋاقىتقا دەيىن ۆاكسينادان باس تارتقاندار ءۇشىن ول رەانيماسياعا ەكسكۋرسيا جۇرگىزۋدى ۇسىندى، وندا كوروناۆيرۋس جۇقتىرعان ادامدار ءومىر ءۇشىن كۇرەسۋدە.
- كۆي-گە قارسى ۆاكسينالاۋ باستالعاننان بەرى ءبىر جىلعا جۋىق ۋاقىت ءوتتى جانە بارلىق سكەپتيكتەر ونىڭ ارقاسىندا اۋرۋدىڭ تارالۋ قارقىنى توقتاعانىن ءتۇسىندى. «جاسىل ايماققا» كىرەتىنىمىز – بۇل ۆاكسيناسيا ناتيجەلەرىنىڭ ءبىرى، - دەيدى دارىگەر.
ول سونىمەن قاتار تۇماۋعا قارسى يممۋنداۋدى ۇسىنادى، ءبىراق تۇماۋ مەن كوۆيدكە قارسى ۆاكسينانى ءبىر مەزەتتە الماعان ءجون، ولاردىڭ اراسىنداعى ينتەرۆال كەم دەگەندە 14 كۇن بولۋى كەرەك.