التى ساعاتقا سوزىلعان سابانتويدا قوناقتار تاتار-باشقۇرتتاردىڭ ۇلتتىق تاعامىنان ءدام تاتتى.
تاۋەلسىز قازاقستاننىڭ باستى بايلىعى - بايتاق ەلىمىزدەگى ۇلتتار تاتۋلىعى. سابانتوي قالاداعى ءتۇرلى ۇلت وكىلدەرىنىڭ باسىن بىرىكتىرەتىن ءداستۇرلى مەيرامعا اينالعان. مەرەكە تاتار حالقىنىڭ كوپ جىلدىق داستۇرلەرىمەن تانىستىرىپ، ۇلت دوستىعىن نىعايتا تۇسۋگە ۇلەس قوسادى. مەرەكە، ەڭبەك پەن دوستىقتىڭ مەرەكەسى. ەلىمىز امان، جۇرتىمىز تىنىش بولسىن، - دەدى تاتار-باشقۇرت كونگرەسى اقساقالدار كەڭەسىنىڭ ءتوراعاسى گريف تيمۋر ۇلى.
BAQ.kz مالىمەتى بويىنشا شەبەرلەردىڭ قولىنان شىققان بۇيىمداردان قاز-قاتار تىزىلگەن جارمەڭكە قوناقتار نازارىنا ۇسىنىلدى. بالالار اسفالتقا سۋرەت سالىپ جارىستى.
ەسكە سالايىق، «سابان» دەگەن ءسوزدىڭ ءوزى «سوقا» دەگەن ماعىنانى بىلدىرەدى. بۇل بەلگىلى ءبىر كۇنگە جوسپارلانباعان مەرەكە. سابان تۋي (توي) – تاتار، باشقۇرت حالىقتارىنىڭ بۇرىننان بەرى كەلە جاتقان مەيرامى. بۇل – ناۋرىز مەرەكەسىنەن كەيىن كوپ شارۋا بىتكەن سوڭ، ءشوپ شابۋعا دەيىن جالعاساتىن مەيرام.