26 ساۋىردە قالا تۇرعىندارى اراسىندا پرەزيدەنتتىك تەستتەر بويىنشا چەمپيونات ءوتتى.
ورتالىق ستاديوننىڭ قوسالقى الاڭىندا وتكەن سپورتتىق شارا الماتى قالاسى سپورت باسقارماسى مەن «الماتى قالاسىنىڭ پرەزيدەنتتىك كوپسايىس جانە تەڭىز سپورت تۇرلەرى فەدەراسياسىنىڭ» قولداۋىمەن ۇيىمداستىرىلعان.
سپورتتىق باسەكەگە توعىز جاستان جوعارى مەكتەپ وقۋشىلارىنان تارتىپ، جەتپىستەن اسقان ارداگەر سپورتشىلاردى قامتىعان مىڭنان استام الماتىلىق قاتىستى.
بايقاۋ باعدارلاماسى بويىنشا قاتىسۋشىلار 30، 60 جانە 100 مەترگە جۇگىردى، ورىنىنان ۇزىندىققا سەكىردى، سونداي-اق تۋرنيككە تارتىلدى جانە 500 جانە 1000 مەتر قاشىقتىققا جۇگىردى.
جارىسقا قاتىسقانداردىڭ ءبىرى، 62 جاستاعى سەرگەي كوننىح ءوز اسەرىمەن ءبولىستى.
- مەن ءۇشىن بۇل جارىستار — تەك فيزيكالىقتىق فورمانى سىناۋ ەمەس. بۇل رۋح مەرەكەسى، ءوزىڭدى ۇلى سپورتتىق وتباسىنىڭ ءبىر مۇشەسى سەزىنۋ جانە جاس تەك سان ەكەنىن دالەلدەۋ مۇمكىندىگى. ەڭ باستىسى — قوزعالىستا بولۋ جانە ءوز كۇشىڭە سەنۋ! - دەدى سەرگەي كوننىح.
جارىستىڭ ەڭ جاس قاتىسۋشىسى، 9 جاستاعى سوفيا سەحوسكايا ءىس-شارا كوڭىلىنەن شىققانىن ايتتى.
- ماعان جۇگىرۋ، سەكىرۋ سىندى سپورت تۇرلەرى قاتتى ۇنايدى. ءوزىمدى ناعىز سپورتشىداي سەزىندىم. ءالى دە جاتتىعۋ جاساپ، كەلەسى جولى جەڭىسكە جەتكىم كەلەدى، - دەدى ول.
جەڭىمپازدار مەن جۇلدەگەرلەر ءار جاس ساناتىندا ەرلەر جانە ايەلدەر اراسىندا جەكە ناتيجەلەر بويىنشى انىقتالدى.
