قالا تۇرعىندارى مەن قوناقتارى ۇيىمداستىرۋشىلار دايىنداعان سان الۋان ءىس-شارالار مەن اكسيالارعا بەلسەندى قاتىسۋدا،دەپ حابارلايدى aqshamnews.kz
مىسالى، «استانا» الاڭى ماڭىندا ۇلتتىق سپورت تۇرلەرىنەن جارىستار ءوتىپ جاتىر. تۋرنيرگە قالانىڭ 8 اۋدانىنان كەلگەن كوماندالار قاتىستى. ارقان تارتۋ سايىسىندا مەدەۋ اۋدانىنىڭ قۇراما كومانداسى جەتىسۋ اۋدانىنىڭ سپورتشىلارىن جەڭىپ شىقتى. سونىمەن قاتار، اشىق اسپان استىنداعى ساحنادا قازاقستاندىق ەسترادا جۇلدىزدارى ونەر كورسەتىپ، قالا تۇرعىندارى مەن قوناقتارىن ناۋرىز مەيرامىمەن قۇتتىقتادى.
پانفيلوۆ كوشەسىندەگى شارا قوناقتاردىڭ نازارىن كوشە سيقىرشىلارىنا اۋداردى. ولار ەرەكشە تريۋكتەر كورسەتىپ، اسىرەسە بالالاردىڭ قىزىعۋشىلىعىن وياتتى. 
سونداي-اق، ايگىلى كوميكستەردەن الىنعان ترانسفورمەر-روبوتتار بەينەسىندەگى مۇسىندەر دە كورەرمەندى تاڭعالدىردى. كوپشىلىك ولارمەن سۋرەتكە ءتۇستى. 
مەرەكەنىڭ باستى سانىنە اينالعان كورمەلەردىڭ ءبىرى – بەلگىلى فوتوگراف وڭعاربەك الحاروۆتىڭ تۋىندىلارى. ول قازاقتىڭ ۇلتتىق كيىمدەرىن كيگەن ادامداردى بەينەلەيتىن ەرەكشە فوتوسەرياسىن ۇسىندى.
“وسى ارقىلى مەن حالقىمىزدىڭ رۋحاني بايلىعىن جانە مادەني مۇراسىن جەتكىزۋگە تىرىسامىن. كوشپەندىلەردىڭ باي ءداستۇرى مەن مادەنيەتىن سۋرەتتەرىم ارقىلى اڭگىمەلەپ بەرەمىن. ناۋرىز – مەنىڭ ەڭ سۇيىكتى مەرەكەم. ول تابيعاتتىڭ جاڭارۋىن، جاڭا ءومىردىڭ باستالۋىن بىلدىرەدى جانە بولاشاققا دەگەن سەنىمدى كۇشەيتەدى. وسى ۋاقىتتا قالانىڭ ورتالىعى مەرەكەلىك كوڭىل-كۇيگە تولا ءتۇستى. الماتىلىقتار وتباسىلارىمەن كەلىپ، ءتۇرلى ءىس-شارالارعا بەلسەندى قاتىسادى. ءسويتىپ ناۋرىز مەيرامىنىڭ شاتتىققا تولى اتموسفەراسىن سەزىنەدى”، - دەيدى وڭعاربەك الحاروۆ.