العاشقى كرەديتتىك بيۋرو ساراپشىلارىنىڭ ەسەبىنە سايكەس، بيىلعى جىلدىڭ ەكىنشى توقسانىندا الماتى تۇرعىندارىنىڭ دەمالىس پەن ويىن-ساۋىققا جۇمساعان ورتاشا شىعىندارى جان باسىنا شاققاندا 8،6 مىڭ تەڭگەنى قۇرادى. بۇل رەسپۋبليكا بويىنشا ورتاشا كورسەتكىشتەن 2،4 ەسە جوعارى.
«كاراعاندى وبلىسى تۇرعىندارىنىڭ شىعىندارى دا وسىعان جاقىن. استانالىقتارمەن سالىستىرعاندا، الماتىلىقتار 25%-عا ارتىق جۇمساعان – ەلوردا تۇرعىندارىنىڭ دەمالىسقا ورتاشا شىعىنى 7 مىڭ تەڭگە. ەڭ از شىعىن اباي وبلىسىندا تىركەلدى – جان باسىنا شاققاندا بار بولعانى 916 تەڭگە»، – دەپ مالىمدەدى ساراپشىلار.
سونىمەن قاتار، الماتىلىقتار دەنساۋلىققا دا كوپ قاراجات جۇمسايدى. ءساۋىر-ماۋسىم ايلارىندا دەنساۋلىق ساقتاۋ قىزمەتتەرىنە جان باسىنا شاققاندا 8،1 مىڭ تەڭگە بولىنگەن، بۇل دا رەسپۋبليكا بويىنشا ورتاشا كورسەتكىشتەن ەكى ەسە كوپ.
الماتىلىقتاردان كەيىن شىعىس قازاقستان جانە استانا تۇرعىندارى كەلەدى – ولار مەديسيناعا 5،5 مىڭ تەڭگە جۇمسايدى. ەڭ از شىعىن شىمكەنتتە – جان باسىنا شاققاندا نەبارى 1،7 مىڭ تەڭگە