الماتى جىلۋ جەلىلەرى جىلۋ ەنەرگياسى ءۇشىن ميللياردتاعان قارىزدى تولەمەگەن تۇرعىنداردان سوت ارقىلى ءوندىرىپ الادى. وسى ۇدەرىس اياسىندا مۇلىككە جانە بانكتىك شوتتارعا جانە شەتەلگە شىعۋعا تىيىم سالىنادى. سونىمەن قاتار قارىزدى تولىق وتەمەيىنشە ولارعا ىستىق سۋ بەرۋ توقتاتىلادى.
قارىز تۋرالى بىرنەشە رەت ەسكەرتۋ العانىنا قاراماستان، تۇتىنۋشىلاردىڭ ءبىر بولىگى كوممۋنالدىق قىزمەتتى جەتكىزۋشىنىڭ زاڭدى تالاپتارىن ەلەمەۋدە. بيىل جىل باسىنان بەرى الماتىدا جىلۋ ەنەرگياسى ءۇشىن تولەم جاساماعان 600-دەن استام ابونەنتكە ىستىق سۋ بەرۋ شەكتەلگەن. سونىمەن قاتار زاڭدى تۇلعالارعا سوتقا دەيىنگى 3345 تالاپ جىبەرىلدى.
جىلۋمەن جانە ىستىق سۋمەن جابدىقتاۋ ءۇشىن قارىزى بار 5184 تۇرعىننان قارىزدى ءوندىرىپ الۋ بويىنشا جۇمىس جۇرگىزىلدى. ول ءۇشىن سوتقا تالاپ-ارىز بەرىلدى، سونداي-اق نوتاريۋستارعا اتقارۋشىلىق جازبالار جاساۋ ءۇشىن ارىزدار جىبەرىلدى.
بۇگىندە سوت ورىنداۋشىلارى قارىزدى ءوندىرىپ الۋ بويىنشا ءىس-شارالاردى جالعاستىرۋدا. كوممۋنالدىق قىزمەتكە تولەم جاساماعان 1 754 بورىشكەرگە قاتىستى شەكتەۋ شارالارى قابىلداندى:
* 926 بورىشكەردىڭ مۇلكىنە تىيىم سالىندى (جىلجيتىن جانە جىلجىمايتىن)؛
* 822 بانكتىك شوت بۇعاتتالدى؛
* 254 بورىشكەرگە قاتىستى قازاقستان رەسپۋبليكاسىنان تىس جەرلەرگە شىعۋعا تىيىم سالىندى؛
•144 ازاماتتىڭ جالاقىسى مەن وزگە دە تابىسىنان بەرەشەك ۇستالدى.
بۇگىندە الماتى جىلۋ تۇتىنۋشىلارىنىڭ پايدالانعان ىستىق سۋ مەن جىلۋ ءۇشىن جيىنتىق قارىزى شامامەن 2 ملرد تەڭگە.
«الماتى جىلۋ جۇيەسى» ج ش س قالا تۇرعىندارىن جاۋاپكەرشىلىك تانىتۋعا، قارىزدى جيناماي، جىلۋمەن جابدىقتاۋ قىزمەتىن ۋاقىتىلى تولەۋگە شاقىرادى.