الماتىلىقتار گاندي ساياباعىندا تامىرىمەن جۇلىنعان بۇتالارعا الاڭداۋشىلىق بىلدىرۋدە، دەپ حابارلايدى اlmaty-akshamy.kz Tengrinews.kz-كە سىلتەمە جاساپ.
«ءقازىر گاندي ساياباعىنداعى بارلىق بۇتالاردى جۇلىپ جاتىر. جۇمىسشىلار سايرانعا كوشىرەمىز دەپ وتىر (!). گاندي ساياباعىندا جاڭا بۇتالار وتىرعىزىلادى دەيدى. قۇزىرلى ورگانداردان بۇل اقپاراتتى راستاۋدى نەمەسە جوققا شىعارۋدى، اباتتاندىرۋ مەرزىمىن بەلگىلەپ، اباتتاندىرۋ جوسپارىن جالپىعا قولجەتىمدى ەتۋدى سۇرايمىن»، - دەپ جازدى الماتى قالاسىنىڭ تۇرعىنى تاتيانا گولۋبيەۆا Facebook الەۋمەتتىك جەلىسىندەگى «دەجۋرنىي پو گورودۋ» توبىندا.
الماتى اكىمدىگى جاعدايدى ءتۇسىندىردى. ءقازىر گاندي اتىنداعى ساياباقتا اۋدان اكىمدىگى جوندەۋ جۇمىستارى اياسىندا ساياباقتى اۆتوماتتى سۋارۋ قۇرىلعىسىمەن كوگالداندىرۋ جۇمىستارىن باستاپ كەتكەن.
«قازىرگى ۋاقىتتا جاپىراقتى بۇتالاردان قۋراعان جانە ەسكى بۇتالاردى الۋ جۇمىستارى جۇرگىزىلىپ جاتىر، ساياباقتاعى قورشاۋ ەسكى. جۇرگىزىلىپ جاتقان جۇمىستار اياسىندا قورشاۋدىڭ جارامدى ەلەمەنتتەرى المالى اۋدانىنىڭ باسقا دا قوعامدىق اۋماقتارىنا اۋىستىرىلادى»، - دەپ حابارلادى اكىمدىكتە.
قالا بيلىگى مالىمەتىنشە، بيىلعى ساياباقتى اۋقىمدى اباتتاندىرۋ كەزىندە ساياباقتىڭ كورنەكى كەڭىستىگىن اشۋ ارقىلى اۋماقتىڭ جاڭا تۇجىرىمداماسى مەن لاندشافتى ديزاينى قاراستىرىلعان. تۇجىرىمدامادا بەدە ەگۋ، بۇتالار مەن گۇلدەردىڭ ءارتۇرلى سورتتارىن وتىرعىزۋ قاراستىرىلعان.