ەلىمىزدە ەكىنشى جىل بولىپ جاتقان كوروناۆيرۋس ىندەتىنىڭ ورشۋىنە بايلانىستى قاسيەتتى قۇربان ايت مەرەكەسى قارساڭىندا قمدب ءتوراعاسى، باس ءمۇفتي ناۋرىزباي قاجى تاعان ۇلىنىڭ باستاماسىمەن قۇرباندىق شالۋدى ونلاين فورماتتا جۇزەگە اسىراتىن qurban2021.kz سايتى اشىلعان بولاتىن.
اتالعان سايت ارقىلى ءوتىنىش ءبىلدىرىپ، قۇرباندىق شالۋشىلار دا، قۇرباندىقتىڭ ەتىنە مۇقتاج جاماعات تا بارشىلىق دەپ حابارلايدى Almaty-akshamy.kz ءتىلشىسى قمدب مالىمەتتەرىنە سۇيەنە وتىرىپ.
ەكىنشى رەت ونلاين تۇردە ءوتىپ جاتقان قۇربان ايت مەرەكەسىمەن تاڭ اتقالى بەرى ەلباسىنان باستاپ، مەملەكەت باسشىسى، مينيسترلەر، قالا باسشىلارى، ءدىنباسىلار ەل ازاماتتارىن قۇتتىقتاۋدا.
ال الماتىداعى «وربيتا-ز»مەشىتىنىڭ ۇستازى جانبولات ساپاشوۆ ونلاين قۇرباندىق تۋرالى ايتىپ بەردى.
ءبيسسميللا، ءالھامدۋليللا، اسسالاتۋ اسسالامۋ الا ما نۋرسيلا بەحۋدا ءۋا ءبات اسسالامۋ الەيكۋم ۋا راحماتۋللاھي ۋا باراكاتۋح.
ونلاين قۇرباندىق... مۇنى تۇسىندىرمەستەن بۇرىن قىسقاشا تۇردە قاسيەتتى شاريعاتىمىزداعى (ۋاكالا) وكىلەتتىككە توقتالا كەتسەك. جالپى قانداي دا ءبىر ادام ءبىر ءىستى ىستەگىسى كەلىپ، ءبىراق وعان مۇمكىندىگى بولماسا، نە مۇمكىندىگى شەكتەۋلى بولسا، وندا ول سول ءىستى باسقا ءبىر ادامعا تاپسىرۋعا قۇقىلى. مۇنى قاسيەتتى شاريعاتىمىزدا وكىلەتتىك دەپ اتايدى.
ءبىز بيىل قيىن جاعدايدا تۇرمىز. ەلىمىزدەگى مىناۋ بولىپ جاتقان ىندەتكە بايلانىستى كارانتين تالاپتارى جوعارى. سول ءۇشىن دە بيىل قۇرباندىق شالۋدىڭ وزىندىك ءبىر قيىنشىلىقتارى بولاتىن سەكىلدى. سوعان بايلانىستى قمدب بيىل قۇرباندىق شالۋدىڭ جولىن جەڭىلدەتتى جانە ارنايى qurban2021.kz دەگەن پورتال ويلاپ تاپتى.
ءسىز دە وسى پورتالعا تىركەلىپ، ءوز ءوڭىرىڭىزدى بەلگىلەپ، قۇرباندىعىڭىزدى شالساڭىز بولادى. اللا تاعالا قۇرباندىعىڭىزدى قابىل السىن!
ەلدەگى قيىن جاعدايعا قاراي، قۇرباندىق شالۋدىڭ وڭتايلى جولىن شاريعات ۇكىمىنە ساي ەتىپ ويلاستىرعاندارى ءۇشىن حالىقتىڭ دا ءدىني باسقارماعا العىسى شەكسىز. وسى ورايدا، جۇرەكجاردى لەبىزىمەن بولىسكەن ءبىر توپ الماتىلىقتاردىڭ پىكىرلەرىن نازارلارىڭىزعا ۇسىنامىز.
اسسالاۋماعالەيكۋم، قازاق ەلى! ءبارىڭىزدى كەلىپ جەتكەن قاسيەتتى قۇربان ايت مەرەكەسىمەن شىن جۇرەكتەن قۇتتىقتايمىن. باستارىڭىزعا اماندىق، وتباسىلارىڭىزعا بەرەكە تىلەيمىن. قمدب-نىڭ ۇيىمداستىرىپ وتىرعان qurban2021.kz دەگەن شاراسى ءۇشىن ءوز العىسىمدى بىلدىرەمىن. الماتى قالاسى وكىلدىگىنە دە كوپ راقمەتىمدى ايتامىن. شالعان قۇرباندارىمىز قابىل بولسىن! اللا بىزدەن رازى بولسىن!
سىزدەرگە اللا ريزالىعىن ءبىلدىرسىن، وسى جاساپ جاتقان نيەتتى جۇمىستارىڭ تابىستى بولسىن! راقمەت! بەرىپ جاتقان قۇرباندىعىمىز ءجانناتتا جاتقان باۋىرلارىمىزعا، جولداستارىمىزعا، قارىنداستارىمىزعا، قىزدارىمىزعا، بارلىقتارىنا تيە بەرسىن. جاتقان جەرلەرى جايلى بولسىن، توپىراقتارى تورقا بولسىن، يماندارى جولداس بولسىن! مىنگەندەرى پىراق بولسىن، جاققاندارى شىراق بولسىن!ءار ۋاقىتتا وسىنداي يگى ىسپەن اينالىسىپ، بۇكىل حالىققا جاقسىلىق جاساي بەرىڭدەر، راقمەت سىزدەرگە!
اسسالاۋماعالەيكۇم، قۇرمەتتى قازاق ەلى!بۇگىنگى قاسيەتتى قۇربان ايت مەرەكەسىمەن بارشاڭىزدى قۇتتىقتايمىن! قۇربان ايتتان قۇربان ايتقا اللا تاعالا بىزگە جەتۋگە ءناسىپ ەتسىن! بۇگىنگى مىناۋ شالىپ اتقان قۇرباندىعىمىزدى اللا قابىل ەتىپ، مول ساۋابىنا جازسىن! ەلىمىز امان، جۇرتىمىز تىنىش بولسىن! مىناۋ قازاقستان مۇسىلماندارى ءدىني باسقارماسى بيىل كارانتين جاعدايىنا بايلانىستى، بىزگە ءتۇرلى ساۋاپتى ىستەردەن قۇر قالماس ءۇشىن ونلاين تۇردە قۇرباندىق شالۋدى ۇيىمداستىرىپ وتىر، سول ءۇشىن ءدىني باسقارماداعى باسشىلارعا العىسىمىز بار. اللا رازى بولسىن سول كىسىلەرگە! مىناۋ جالپى حالقىمىزدىڭ ۇستانىمى، ءبىز ءدىني ۇستامدىقپەن، شاريعاتتان كوپ ۇلگى العان حالىقپىز. «ءوزىڭ توق جاتپا كورشىڭ اش بولسا»، دەگەن ۇستانىممەن قۇرباندىق شالىپ، مىناۋ جاعالاي تاراتىپ، جىل بويى، كۇندەردىڭ كۇنىندە ەتتىڭ ءدامىن كورمەي كەلە جاتقان باۋىرلارىمىزعا وسىنداي ءبىر قايىرىمدىلىق جاساپ، قۇرباندىق شالىپ، ەت تاراتقان جايى بار. بارشاڭىزدىڭ مىنا تاراتقان قۇرباندىقتارىڭىزدى قابىل ەتسىن! اللا تاعالا باسىمىزعا اماندىق، كەلەسى قۇرباندىققا امان-ەسەن جەتۋىمىزگە اللا ءناسىپ ەتسىن!