جازعى مەزگىلدە جول جۇرەتىن جولاۋشىلاردىڭ كوبەيۋىنە بايلانىستى «جولاۋشىلار تاسىمالى» اق «الماتى-2 – ماڭعىستاۋ» جانە «الماتى-2 – سەمەي» باعىتىنداعى كوممەرسيالىق جولاۋشىلار پويىزىن جۇرگىزەتىن بولدى.
الماتىدان ماڭعىستاۋ مەن سەمەيگە قوسىمشا پويىزدار جۇرەتىن بولدى، دەپ حابارلايدى Almaty-akshamy.kz «قازاقستان تەمىر جولى» ۇك» باسپا ءسوز قىزمەتىنە سىلتەمە جاساپ.
«سۇرانىستىڭ ارتۋىنا بايلانىستى «جولاۋشىلار تاسىمالى» اق «الماتى-2 – ماڭعىستاۋ» باعىتىنداعى №287/288 جانە «الماتى-2 – سەمەي» باعىتىنداعى №477/478 كوممەرسيالىق جولاۋشىلار پويىزى جۇرەتىنىن حابارلايدى. №287/288 پويىزى 2021 جىلعى 21 شىلدەدەن باستاپ، ال، №477/478 پويىزى 2021 جىلعى 23 شىلدەدەن باستاپ الماتى-2 ستانسياسىنان اپتاسىنا ءبىر رەت قاتىنايدى» دەلىنگەن كومپانيانىڭ حابارلاماسىندا.
بيلەتتەردى bilet.railways.kz سايتى نەمەسە «قتج بيلەتتەرى» ءموبيلدى قوسىمشاسى ارقىلى ونلاين راسىمدەۋگە بولادى.