2025 جىلى الماتىنىڭ مەدەۋ اۋدانىندا «حالىق قاتىساتىن بيۋدجەت» باعدارلاماسى اياسىندا 34 جوبا ىسكە اسىرىلۋدا. ونىڭ 17ء-سى اۋلانى اباتتاندىرۋعا، 13ء-ى قوعامدىق كەڭىستىكتى جاڭارتۋعا، ال تاعى 4 جوبا اۆتوماتتى سۋارۋ جۇيەسىن ورناتۋعا باعىتتالعان. بۇل تۋرالى مەدەۋ اۋدانى اكىمدىگى حابارلادى.
باعدارلاما اياسىندا جۇزەگە اسقان جوبانىڭ ءبىرى ايتەكە بي كوشەسى، 28 مەكەنجايىنداعى اۋلا. مۇندا زاماناۋي جارىق جۇيەسى جۇرگىزىلىپ، جيەكتاس توسەلدى، كوگال ەگىلدى، ورىندىق پەن قوقىس جاشىكتەرى قويىلعان دەمالىس ايماعى جاسالدى. سونداي-اق، بالالار مەن جاستارعا ارنالعان ۆوركاۋت-الاڭدار قۇرىلدى.
تۇرعىنداردىڭ ايتۋىنشا، بۇل وزگەرىستەردىڭ ارقاسىندا بالالار الاڭسىز ويناپ، قاۋىپسىزدىگى ارتا تۇسكەن. №28 ءۇي تۇرعىنى ەلەنا بىلاي دەدى:
«بۇرىنعى اۋلانىڭ قانداي بولعانىن بىلەمىن، ءقازىر مۇلدە وزگەرگەن. ارينە، جاڭا اۋلا الدەقايدا جاقسى، بالالارعا ۇنايدى. كۇندە ولاردىڭ ويناپ جۇرگەنىن كورەمىن. جاقسى بولدى. ەڭ باستىسى، تۇرعىنداردىڭ ءوزى اباتتاندىرۋعا قاتىسا الادى. سەبەبى، ءبىز وزىمىزگە قانداي الاڭ قاجەت ەكەنىن جاقسى بىلەمىز. اسىرەسە، بالالارعا ارنالعان جۇمساق جابىن قاتتى ۇنادى، قۇلاپ قالعان جاعدايدا دا قاتتى ءقاۋىپ جوق».
ايتا كەتەيىك، سوڭعى جىلدارى الماتىدا «حالىق قاتىساتىن بيۋدجەت» باعدارلاماسى ءساتتى دامىپ كەلەدى. ول قالا تۇرعىندارىنا ءومىر ءسۇرۋ ساپاسىن جاقسارتاتىن جوبالاردى تىكەلەي ۇسىنۋعا جانە جۇزەگە اسىرۋعا مۇمكىندىك بەرەدى.
ءقازىر اتالعان باعدارلاماعا ءوتىنىم قابىلداۋ جالعاسىپ وتىر. يدەياڭىزدى 30 قىركۇيەككە دەيىن www.budget.open-almaty.kz سايتى ارقىلى جولداۋعا بولادى.