ناۋقان باستالعاننان بەرى قالا تۇرعىندارىنا اشىق كوك، جاسىلدان سۇر جانە شوكولاد رەڭكتەرىنە دەيىن ءتۇرلى ءتۇستى 2،4 مىڭ ليتر بوياۋ تەگىن تاراتىلدى. قالا تۇرعىندارى الىنعان لاك-بوياۋ ماتەريالدارىن ءوز اۋلالارىنداعى بەسەدكالار مەن ورىندىقتاردىڭ، سونداي-اق جەكە ۇيلەردەگى قورشاۋلار مەن قاقپالاردىڭ كورىنىسىن جاقسارتۋ ءۇشىن پايدالانۋدا.
«كوكتەم كەلدى، قىس مەزگىلىندە، تۇراقتى جاۋىن-شاشىن كەزىندە جارىلعان جانە توزعان قورشاۋلارىمىزدى رەتكە كەلتىرۋ كەرەك. ءوز ءۇيىمىز بەن ۋچاسكەمىزدى جاڭارتۋعا مۇمكىندىك بەرگەندەرىڭىزگە قۋانىشتىمىن»، - دەپ ءبولىستى المالى اۋدانىنىڭ تۇرعىنى نينا يۆانوۆنا.
«ءوز قورشاۋىڭدى/ورىندىعىڭدى/بەسەدكاڭدى كورسەت» اكسياسى «الماتى - ءبىزدىڭ ورتاق ءۇيىمىز» ناۋقانى اياسىندا وتكىزىلىپ، 8 مامىرعا دەيىن جالعاسادى. نەگىزگى نازار حالىقتىڭ الەۋمەتتىك وسال توپتارى (ءحاوت)ساناتىنا اۋدارىلۋدا.
- اكسيالارعا قاتىسۋ ءۇشىن اۋداندىق اباتتاندىرۋ بولىمدەرىنە جۇگىنۋ قاجەت. لاك-بوياۋ زاتتارى وتەۋسىز نەگىزدە ءبىر قولعا 2 كگ-عا دەيىن ۇسىنىلادى.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.
