الماتى اكىمىنىڭ ورىنباسارى ەرجان باباقۇماروۆ ستۋدەنتتەردى جاتاقحانامەن قامتۋ ماسەلەسى شەشىلەتىن جايت ەكەنىن ايتتى.
الماتى قالاسىنىڭ باس سانيتارلىق دارىگەرى جانداربەك بەكشين الماتى ستۋدەنتتەرىنە جاتاقحانادا تۇرۋعا تىيىم سالىنباعانىن مالىمدەدى، دەپ حابارلايدى دەپ حابارلايدى Almaty-akshamy.kz
ونىڭ ايتۋىنشا، سانيتارلىق-ەپيدەميولوگيالىق باقىلاۋ دەپارتامەنتىنە ستۋدەنتتەردەن رەسمي ساۋال تۇسپەگەن.
«ستۋدەنتتەردىڭ جاتاقحاناعا ورنالاسۋى بويىنشا قانداي دا ءبىر رەسمي شەكتەۋلەر جوق. باسقا وڭىرلەردەن كەلگەن ءبىرىنشى كۋرس ستۋدەنتتەرىن جوعارى كۋرس ستۋدەنتتەرىنەن بولەك ورنالاستىردىق. سەبەبى، ابيتۋريەنتتەر اراسىندا كوروناۆيرۋس ينفەكسياسىن جۇقتىرۋ جاعدايلارى بولدى. بولەك ورنالاستىرۋ اۋرۋدىڭ جاپپاي تارالۋىن بولدىرماۋعا مۇمكىندىك بەردى. تاعى دا قايتالاپ ايتامىن، ءبىز ستۋدەنتتەردىڭ قونىستانۋىنا قاتىستى ەشقانداي شەكتەۋلەر قويعان جوقپىز»، - دەدى جانداربەك بەكشين.
ول ستۋدەنتتەردى جاتاقحانادان شىعارۋ بويىنشا ناقتى فاكتىلەردى اكىمدىككە جولداۋدى سۇرادى.