مەگاپوليستەگى ينجەنەرلىك-تەحنولوگيالىق ۋنيۆەرسيتەتتەردىڭ بىرىندە وقىتۋشىلار مەن ستۋدەنتتەردىڭ قاتىسۋىمەن كەزدەسۋ ءوتتى، جيىندا قاتىسۋشىلاردى 6 قازاندا وتەتىن رەفەرەندۋمعا بەلسەندى قاتىسۋعا شاقىردى، دەپ حابارلايدى aqshamnews.kz
شاقىرىلعان سپيكەرلەر جينالعاندارعا رەفەرەندۋمنىڭ ماڭىزدى دەموكراتيالىق قۇرال ەكەندىگىن ايتىپ، ازاماتتارعا ەل بولاشاعىنا اسەر ەتەتىن ماڭىزدى ماسەلەلەر بويىنشا ءوز پىكىرىن بىلدىرۋگە مۇمكىندىك بەرەتىنىن ءتۇسىندىردى. سونداي-اق، اەس سالۋدىڭ الەمدىك تاجىريبە ەكەندىگى جانە باسقا ەلدەردە ەنەرگەتيكالىق قاۋىپسىزدىكتى قامتاماسىز ەتۋ ءۇشىن كەڭىنەن قولدانىلىپ جۇرگەنى اتاپ ءوتىلدى.
"مەنىڭشە، رەفەرەندۋم – ءار ازاماتقا ءوز پىكىرىن بىلدىرۋگە مۇمكىندىك بەرەتىن ماڭىزدى مەحانيزم. بۇل شەشىم قابىلداۋ پروسەسىنىڭ اشىقتىعىن قامتاماسىز ەتەدى. بارشاڭىزدى رەفەرەندۋمعا بەلسەندى قاتىسۋعا شاقىرامىن، بۇل ەلىمىزدىڭ بولاشاعى ءۇشىن وتە ماڭىزدى. زاماناۋي قورعانىس تەحنولوگيالارى اەس-تى ادامدار مەن قورشاعان ورتا ءۇشىن ءقاۋىپسىز ەتەدى. مىسالى، فرانسيا، اقش، جۇڭگو بەيبىت اتوم ەنەرگياسىن ءساتتى قولدانىپ وتىر،" – دەدى AMANAT پارتياسىنىڭ بوستاندىق اۋداندىق فيليالىنىڭ ءتوراعاسى سابەن تانىشقالي.
ءوز كەزەگىندە ءۇشىنشى كۋرس ستۋدەنتى جانار مۋسينا جاستاردىڭ ەل بولاشاعى وسىنداي جاھاندىق شەشىمدەرگە بايلانىستى ەكەنىن ءتۇسىنۋى كەرەكتىگىن ايتتى.
"ءبىز ءۇشىن پروسەستىڭ اشىقتىعى ماڭىزدى، جانە ءدال ءقازىر ءبىز ۇلكەن جاۋاپكەرشىلىكتى سەزىنۋدەمىز. بۇل ماسەلەگە بايىپپەن قاراپ، ءوز تاڭداۋىمىزدى جاساماس بۇرىن بارلىق اسپەكتىلەردى مۇقيات زەرتتەۋىمىز كەرەك،" – دەدى ول.