الماتىدا حالىقارالىق ينجەنەرلىك-تەحنيكالىق ۋنيۆەرسيتەتتە اتوم ەلەكتر ستانسياسى بويىنشا جيىن ءوتتى.
جيىنعا ءبىرقاتار قوعام بەلسەندىلەرى، تەحنيكالىق سالا ماماندارى، وقىتۋشى، پروفەسسور، عالىمدار، ستۋدەنتتەر جانە ت.ب. قاتىستى.
ءىس-شارادا 6 قازاندا وتەتىن رەفەرەندۋم جونىندە وي-پىكىرلەر ايتىلدى. سونداي-اق سالا ماماندارى ويلارىن ايتىپ، جان-جاقتى تالقىلادى.
«اەس ەكونوميكالىق قاۋىپسىزدىككە 60% باعىتتالعان. دالىرەك 3+ بويىنشا سالىنعالى جاتىر. بۇل قاجەتىلىكتەن تۋىنداپ وتىرعان ءىس. ۋاقىت وزدىرماي ءوز دەڭگەيىندە ءبىر كىسىدەي بەرەكەلى ءىستى قولعا الۋ كەرەك»، – دەدى AMANAT پارتياسى بوستاندىق اۋداندىق فيليالىنىڭ ءتوراعاسى تىنىشقالي تورەعالي ۇلى.
اتوم ەلەكتر ستانسياسى توق كوزدەرىن رەتتەۋگە ۇلكەن سەپتىگىن تيگىزەتىن كورىنەدى. بۇل تۋرالى ءال-فارابي اتىنداعى قازۇۋ «قارجى» كافەدراسىنىڭ دوسەنتى عالىمجان ەسقارا ۇلى ايتىپ بەردى.
«اەس كەرەك جوبا بولىپ تۇر. ەنەرگيا تاپشىلىعىن شەشۋىمىز قاجەت. جان-جاقتاعى كورشىلەرگە كىرىپتار بولمايىق. تازا ەكولوگيالىق ءتيىمدى جوبا بىزگە كەرەك. سوندىقتان بۇل جوبانىڭ تيىمدىلىگىن ەل-حالىق كورەدى. دامىعان ەلدەردىڭ بارىندە جاڭا تەحنولوگيالىق تاجىريبە وندىرىستە قولدانىلادى»، – دەدى ول.