الماتى قالاسىندا ەكولوگيالىق ايلىقتىڭ باستالۋىنا وراي حالىقارالىق Almaty Open ATP 250 ءتۋرنيرى ECO Network جانە العاشقى ەكو-حابپەن بىرلەسىپ ءوز الاڭىندا ەكوايماق اشتى.
بۇل سپورتتىق ءىس-شارالاردىڭ ەكولوگيا تاقىرىبىن، قالدىقتاردى سۇرىپتاپ جيناۋ مادەنيەتىن ىلگەرىلەتىپ، تۇرعىنداردى قالدىقتاردى قايتا وڭدەۋگە ارنالعان ينتەراكتيۆتى ايماقتار ارقىلى تارتۋىنىڭ جاقسى داستۇرگە اينالىپ كەلە جاتقانىن كورسەتەدى.
بيىل ECO Network-پەن بىرلەسىپ ءوز ءىس-شارالارىن ەكولوگيالاندىرۋ باستاماسىن Almaty Marathon جانە FIDE World Cadet Chess Championships 2025 – 8، 10 جانە 12 جاس ارالىعىنداعى بالالار اراسىنداعى الەم چەمپيوناتى دا جۇزەگە اسىردى. چەمپيونات كەزىندە بالالار بوتەلكە قاقپاقتارىنان تىكەلەي چەمپيونات بارىسىندا شاحمات جيىنتىعىن جاساپ شىعاردى.
Almaty Open ATP 250 ەكوايماعىنىڭ بىرەگەي بولىگى – الماتىلىق وقۋشىلار ازىرلەگەن «الماتىلىق سموگتان جاسالعان سيا» جوباسى بولدى. ءىس-شارا قوناقتارى ءدال وسى سيامەن شوپەرلەردى بويادى.
بۇل سيمۆولدىق مانگە يە، سەبەبى ءدال ءقازىر الماتى قالاسىنىڭ اتموسفەرالىق اۋانى قورعاۋ ەرەجەلەرى بويىنشا قوعامدىق تىڭداۋلار ءوتىپ جاتىر. بۇل ەرەجەلەر قالانىڭ سموگ ماسەلەسىن تۇبەگەيلى شەشۋگە كومەكتەسۋى ءتيىس.
«الماتىلىق سموگتان جاسالعان سيا» جوباسىنىڭ اۆتورلارى:
يمانتالييەۆا نارميناحون – №48 ليسەيدىڭ 11-سىنىپ وقۋشىسى، جوبانىڭ نەگىزىن قالاۋشى؛
سوۆەتحان ارۋجان – NISء-تىڭ 10-سىنىپ وقۋشىسى، جوبانىڭ تەحنيكالىق ديرەكتورى.
ولار 8 ەلدەن كەلگەن 350 جوبانىڭ ىشىندە وتكەن حالىقارالىق LaunchZone الەۋمەتتىك جوبالار باتلىندا 2-ورىن يەلەندى.
سونداي-اق، جاسىل تەحنولوگيا ورتالىعىنىڭ GCIP حالىقارالىق اكسەلەراسياسىنىڭ جارتىلاي فيناليستەرى اتاندى.
Global Startup Awards بايقاۋىندا قازاقستانداعى جىلدىڭ ۇزدىك جاسىل تەحنولوگيالىق ستارتاپتارىنىڭ ءبىرى رەتىندە نوميناسيالاندى.
سونىمەن قاتار Invest Match اكسەلەراسيالىق باعدارلاماسىنىڭ فيناليستەرى بولدى.
الماتى قالاسىنىڭ اكىمدىگى، ەكوبەلسەندىلەر جانە چەمپيونات قوناقتارى Almaty Open ATP 250 ۇيىمداستىرۋشىلارىنا مەملەكەت باسشىسى بەلگىلەگەن «تازا قازاقستان» رەسپۋبليكالىق اكسياسى اياسىندا ەكولوگيالىق مادەنيەتتى جانە قالدىقتاردى بولەك جيناۋ تاقىرىبىنا ۇلەس قوسقانى ءۇشىن العىس ءبىلدىردى.