اتىڭ باردا جەر تانى، جەلىپ ءجۇرىپ...
الماتىلىق مادينا اشيلوۆا وتباسىمەن بىرگە العاش رەت جەر شارىن اينالا ساياحات جاساپ، قازاقستاننىڭ رەكوردتار كىتابىنا كىردى. جولعا شامامەن 2 جىلداي ۋاقىت كەتكەن. 40 مىڭ شاقىرىمدى، ءوز كولىكتەرىمەن ءجۇرىپ وتكەن، دەپ حابارلايدى اlmaty-akshamy.kz 24.kz-كە سىلتەمە جاساپ.
مادينا اشيلوۆانىڭ ايتۋىنشا شەتەلگە شىققان تۋريست اۋەلى تابيعاتتىڭ توسىن سىيىنا دايىن بولۋى ءتيىس. اسىرەسە اقش-قا ساپارى ەرەكشە ەستە قالىپتى. ول داۋىلدىڭ دۇلەي كۇشىن سوندا كورگەن. بىردە كۇيەۋى ەكەۋى تۇندە كەلە جاتىپ، اتلانت مۇحيتىنا 50 شاقىرىم قالعاندا داۋىلعا تاپ بولادى.
مادينا اشيلوۆا، ساياحاتشى:
- امەريكادا جولدا مۇلدەم توقتاۋعا بولمايدى. تەك ارنايى بەلگىلەنگەن ورىنداردا عانا ايالداي الاسىز. ال ولار ءاربىر 50 شاقىرىم سايىن ورنالاسقان. دەمەك قالاساڭ دا، قالاماساڭ دا 50 شاقىرىم ءجۇرۋ كەرەك. توقتاۋ ءقاۋىپتى. ءبىر جەردەن ءقوناقۇيدى بايقاپ، سوعان باردىق. تۋرا قورقىنىشتى فيلمدەگىدەي. ەدەندەرى سىقىرلاپ، شامدارى ءبىر ءوشىپ، ءبىر جانادى. ابدەن زارە-قۇتىمىز قاشتى.
كوپبالالى وتباسىنىڭ ساياحاتىن 3 كەزەڭگە بولۋگە بولادى. ءبىرىنشىسى بىلتىر جازدا باستالعان. ەرلى-زايىپتىلار ويلاماعان جەردەن امەريكاعا ساپارعا اتتانادى. ءبىر اي سول ەلدى ارالاپ، 6،5 مىڭ شاقىرىم جول جۇرەدى. العاشىندا بوتەن ەلدە ماشينامەن ساياحاتتاۋ قيىن كورىنگەنىمەن، كەيىن ۇيرەنىپ كەتەدى. مادينا ءار مەملەكەتتى ارالاپ، تۋعان جەرى تۋرالى مالىمەتپەن ءبولىسۋدى بالا كەزدەن ارمانداعانىن ايتادى.
مادينا اشيلوۆا، ساياحاتشى:
- جولداسىم ەكەۋمىز ساپارعا قازاقستاندىق شوكولودتارمەن ەلىمىزدىڭ تۋىن الا شىقتىق. ەۋروپا ەلدەرىنىڭ، امەريكانىڭ تۇرعىندارىنا قازاقستاننىڭ قاي جەردە ورنالاسقانىن كورسەتىپ، جان-جاقتى تانىستىردىق. قوناقجاي، دارحان حالىق ەكەنىمىزدى ايتتىق.
مادينا وتباسى مۇشەلەرىمەن تۇگەل ماشينامەن ساياحاتتاۋدىڭ وتە اسەرلى بولعانىن ايتادى. اكەسى رولدە كاپيتان بولسا، بالالار اناسىمەن بىرگە كارتادان باراتىن كەلەسى قالانى تاڭداپ وتىرعان. ولجاس پەن مادينانىڭ 5 بالاسى بار. ءقازىر 6-شى نارەستەسىن كۇتىپ ءجۇر. بالالاردىڭ ءىشى پىسپاسىن دەپ ادەيى ويىن-ساۋىق ورىندارى بار كەمپينگتەرگە توقتاپ جۇرگەن. ولار ۇزىن سانى 16 مەملەكەتتى ارالاپ قايتقان. ەگەر مادينا بۇرىن دا شەتەلگە شىقسا، جولداسىمەن بالالارى ءبىرىنشى رەت ساياحاتتاپتى.
ولجاس اشيلوۆ، مادينانىڭ جولداسى:
- مەن رولدە وتىرسام، قايتا دەمالىپ وتىرامىن. رومانتيكا سياقتى. كۇشتى بولادى. ءوزىم رولدە وتىرعاندى جاقسى كورەمىن. مىڭ كيلومەتر بولسىن، 2 مىڭ كيلومەتر بولسىن، ودان شارشامايمىن، مەن جۇرە بەرەمىن. گەرمانيادا كەلە جاتقاندا ارتىمىزدان بىرەۋ سيگنال باسىپ، فارامەن نەتىپ، ءبىزدىڭ ارتىمىزدان قۋىپ كەلدى. ول پاۆلوداردان ءبىزدىڭ كوشكەن نەمىس ۇلتىنىڭ ازاماتى ەكەن. ءبىزدى كورىپ قۋانىپ، سول جەردە سويلەسىپ تۇردىق.
ارۋنا اشيلوۆا، مادينانىڭ قىزى:
- ءبىز ۋاقىتتىڭ قالاي تەز وتكەنىن بىلمەي قالدىق. بىزگە وتە قاتتى ۇنادى. ءبىز كوپ كۇلدىك. وتە قاتتى قىزىق بولدى. ماعان پاريج ۇنادى. مەن ەيفەل مۇراراسىندا سۋرەتكە ءتۇستىم. ول جاقتا وتە جاقسى ادامدار بار. ءبىز ولارعا قازاقستاندى تانىستىردىق. اۆتوموبيلمەن ساياحاتتاۋ ۇشاقپەن ەل ارالاعاننان مۇلدەم بولەك، - دەيدى مادينا.
كولىكپەن ءجۇرىپ سول مەملەكەتتىڭ تىنىس-تىرشىلىگىمەن تەرەڭىرەك تانىساسىڭ، جاقسى-جامانىن اجىراتىپ، وي تۇيەسىڭ. بولاشاقتا اشيلوۆتار وتباسى باسقا دا كونتينەنتتەرگە ساياحات جاساپ، تۇرعىندارىن تۋعان ەلى – قازاقستانمەن تانىستىرۋدى جوسپارلاپ وتىر.
يستوچنيك: https://24.kz/kz/zha-aly-tar/o-am/item/620667-almatyly-sayakhatshy-aza-stanny-rekordtar-kitabyna-kirdi
ليۋبوە يسپولزوۆانيە ماتەريالوۆ دوپۋسكاەتسيا تولكو پري ناليچيي گيپەرسسىلكي نا www.24.kz