الماتى قالاسى وڭىرلىك كوممۋنيكاسيالار قىزمەتىنىڭ الاڭىندا ق ر توتەنشە جاعدايلار مينيسترلىگىنىڭ رەسپۋبليكالىق جەدەل-قۇتقارۋ جاساعىنىڭ وكىلدەرى قاتىسقان بريفينگ ءوتتى. قۇتقارۋشىلار بيىلعى ماۋسىمداعى ەڭ ءجيى كەزدەسەتىن وقيعالار، تاۋلى باعىتتارداعى جۇمىس جانە دەمالۋشىلاردىڭ قاۋىپسىزدىگىن ارتتىرۋ شارالارى تۋرالى ايتتى.
تجم رجقج مالىمەتىنشە، جىل باسىنان بەرى 478 جەدەل شىعۋ جۇزەگە اسقان. ونىڭ 167ء-سى تاۋلى جانە جەتۋى قيىن اۋماقتارداعى ىزدەستىرۋ-قۇتقارۋ جۇمىستارى. بارلىعى 156 ادام قۇتقارىلعان، ونىڭ 26-سى – بالالار. ودان بولەك 25 ادامعا، سونىڭ ىشىندە ەكى بالاعا العاشقى مەديسينالىق كومەك كورسەتىلگەن. قازىرگى تاڭدا قۇتقارۋشىلار تاۋدا جانە سۋ ايدىندارىندا توتەنشە جاعدايلاردىڭ الدىن الۋ بويىنشا اۋقىمدى پروفيلاكتيكالىق جۇمىس جۇرگىزىپ جاتىر.
تجم رجقج تاۋلى بولىمشەسىنىڭ باس قۇتقارۋشىسى ۆاديم پاكتىڭ ايتۋىنشا، تاجىريبەسى از تۋريستەر دايىندىقسىز جولعا شىعۋ، باعىتتى تۋىستارىنا حابارلاماۋ، ناۆيگاسيالىق جانە بايلانىس قۇرالدارىنىڭ بولماۋى سياقتى ءجيى ءبىرقاتار قاتەلىكتەردى جىبەرەدى.
"تاۋداعى جازاتايىم جاعدايلاردىڭ نەگىزگى سەبەپتەرى، بىرىنشىدەن، ادامنىڭ ءوز كۇشىن دۇرىس باعالاماۋى جانە دايىندىق دەڭگەيىنە ساي كەلمەيتىن باعىتتى تاڭداۋى. سونىڭ سالدارىنان تۋريست ۋاقىتىندا ورالا المايدى نەمەسە باعىتتىڭ ەرەكشەلىكتەرىن بىلمەي، اپاتتى جاعدايعا تاپ بولادى. تاعى ءبىر قاتەلىك – قاجەتتى جابدىقتىڭ بولماۋى. تاۋعا شىعاردا مىندەتتى تۇردە ريۋكزاك، قوسالقى باتارەياسى بار شام، بايلانىسقا شىعۋعا ارنالعان پاۋەربانك جانە جىلى كيىم بولۋى كەرەك، سەبەبى تاۋدا ءقازىر سالقىن ءارى قاراڭعى تەز تۇسەدى"، - دەدى ۆاديم پاك.
قۇتقارۋشىلاردىڭ ايتۋىنشا، ءار تۋريست ودان بولەك ءدارى قوبديشاسىن، جەتكىلىكتى سۋ جانە ازىق قورىن دا الىپ ءجۇرۋى ءتيىس.
الماتى ماڭىنداعى تاۋلاردا قاۋىپسىزدىكتى قامتاماسىز ەتۋ ءۇشىن قۇتقارۋشىلار ادامدار كوپ جۇرەتىن باعىتتاردا كەزەكشىلىك اتقارىپ، ءتۇسىندىرۋ جۇمىستارىن جانە رەيدتەر وتكىزەدى.
سۇڭگۋىر-قۇتقارۋ ءبولىمىنىڭ باس قۇتقارۋشىسى بەيسەنعالي دۇيسەبايەۆتىڭ ايتۋىنشا، سۋ تاسقىنى، كوشكىن، اۋا تەمپەراتۋراسىنىڭ كۇرت وزگەرۋى سياقتى اۋا رايى جاعدايلارىنا بايلانىستى قاۋىپ-قاتەرلەردىڭ الدىن الۋعا باسا نازار اۋدارىلادى.
"توتەنشە جاعدايلار دەپارتامەنتى تۇرعىندارعا الدىن الا ارنايى حابارلامالار جولدايدى. ءقاۋىپتى ۋچاسكەلەر انىقتالعان جاعدايدا قار كوشكىنىنەن جاساندى قورعاۋ جانە وزەن اڭعارلارىندا سەلدەن قورعاۋ جۇمىستارى جۇرگىزىلەدى. بەلگىلەنگەن اۋماقتاردا باقىلاۋ-وتكىزۋ بەكەتتەرى قويىلىپ، تاۋلىك بويى مونيتورينگ ۇيىمداستىرىلادى. قۇتقارۋ ءىس-شارالارىنا ۆولونتەرلەر دە تارتىلادى"، - دەپ اتاپ ءوتتى مامان.
تاۋداعى باسقا دا قاۋىپتەر تۋرالى ايتا وتىرىپ، قۇتقارۋشىلار جابايى اڭدارمەن كەزدەسۋ ىقتيمالدىعىنىڭ ارتىپ كەلە جاتقانىن اتاپ ءوتتى. ايۋ نەمەسە جابايى مىسىق سەكىلدى جانۋارلارمەن تىكەلەي بايلانىس سيرەك بولسا دا، سوڭعى جىلدارى مۇنداي جاعدايلاردىڭ ءقاۋپى كوبەيگەن.
"ءقازىر ادامداردىڭ جابدىقتالۋى جاقسارعان: ارنايى اياق كيىم، ريۋكزاك ارقاسىندا ولار الىسقا، تەرەڭىرەك تاۋعا بارا الادى. سول سەبەپتى جابايى جانۋارلارمەن كەزدەسۋ مۇمكىندىگى دە ارتادى. مۇنداي جاعدايدا ەڭ باستىسى ۇرەيلەنبەي، سابىر ساقتاۋ. مىسالى، ايۋمەن كەزدەستىڭىز دەلىك، ونداي جاعدايدا ارتقا قاشۋعا بولمايدى، ورنىڭىزدا تۇرىپ، جايلاپ كەيىن شەگىنۋ قاجەت. جانىندا قونجىعى بولعان جاعدايدا ايۋ ءقاۋىپ سەزىنەدى، ەكەۋىنىڭ ورتاسىندا قالىپ قويساڭىز، ايۋ شابۋىلداۋى مۇمكىن"، - دەپ ءتۇسىندىردى ۆاديم پاك.
قۇتقارۋشىلار قالا تۇرعىندارى مەن قوناقتارىنا دەمالىستى ءقاۋىپسىز وتكىزۋ ءۇشىن قاراپايىم ەرەجەلەردى ەستە ساقتاۋعا شاقىرادى:
- مارشرۋت پەن ورالۋ ۋاقىتىن جاقىندارىنا حابارلاۋ؛
- تاۋعا جالعىز نەمەسە قولايسىز اۋا-رايىندا شىقپاۋ؛
- وزىمەن بىرگە جىلى كيىم، ءدارى قوبديشاسى مەن بايلانىس قۇرالدارىن الۋ؛
- بەلگىلەنگەن سوقپاقتاردان شىقپاۋ؛
- توتەنشە جاعداي تۋىنداعاندا 112 نومىرىنە قوڭىراۋ شالۋ.