Alatau Aqparat مەدياحولدينگىنىڭ كاريكاتۋريسى عالىم سماعۇل ۇلى حالىقارالىق بايقاۋدا ماراپاتتالدى، - دەپ حابارلايدى aqshamnews.kz ءتىلشىسى.
بيىل 18 قازاندا ىستامبۇلدا 16-شى حالىقارالىق تۋريستىك كاريكاتۋراشىلار بايقاۋىنىڭ ماراپاتتاۋ ءراسىمى ءوتتى.
عالىم سماعۇل ۇلىنىڭ ايتۋىنشا، "ىستامبۇلدا تۋريست بولۋ" دەگەن تاقىرىپپەن وتكەن بايقاۋعا 49 ەلدەن 356 سۋرەتشى 572 تۋىندىمەن قاتىسقان.
جەڭىمپاز كاريكاتۋريستەر ماراپاتتارىن ىستامبۇلدىڭ بەيوعلۋ اۋدانىنداعى مەتروحاندا ۇيىمداستىرىلعان سالتاناتتا الدى.
"جۇمىسىمىزدى جوعارى باعالاعاندارى ءۇشىن بايقاۋدىڭ ۇيىمداستىرۋشىلارى Nazmi Kozak مىرزا مەن Kerem Köfteoglu مىرزاعا، سونداي-اق، قازىلار القاسىنىڭ مۇشەلەرىنە شىنايى العىسىمدى بىلدىرەمىن"، - دەدى عالىم سماعۇل ۇلى.
بايقاۋ تۇركيا قوناقۇيشىلەرى قاۋىمداستىعىنىڭ (TÜROB)، ىستامبۇل قالالىق اكىمشىلىگىنىڭ تۋريزم دەپارتامەنتىنىڭ جانە ىستامبۇل كونگرەسس جانە كەلۋشىلەر بيۋروسىنىڭ قولداۋىمەن ۇيىمداستىرىلدى.
ەرەسەكتەر ساناتىندا:
- مەندي ازيزي (يران) ءبىرىنشى ورىن؛
- ومەر چام (تۇركيا) ەكىنشى ورىن؛
- موجمير ميحاتوۆ (حورۆاتيا) ءۇشىنشى ورىن يەلەندى.
پروفەسسور اتيلا وزەر ارنايى جۇلدەسىن بولگاريالىق اللا جانە چاۆدار گەورگييەۆتەر، ال فەحمي كوفتەوگلۋ اتىنداعى جۇلدەنى قازاقستاننان عالىم بورانبايەۆ الدى.
جاستار ساناتىندا ءبىرىنشى ورىندى مۇستافا ناسۋح اشىك (تۇركيا)، ەكىنشى ورىندى دەفنە دەميردجي (تۇركيا)، ءۇشىنشى ورىندى سۋدەم دۋران (تۇركيا) جەڭىپ الدى.