قار كوشكىنى ءقاۋپى بار.
«قازسەلدەنقورعاۋ» مم ماماندارى «قازگيدرومەت» رمك ماماندارىمەن بىرلەسىپ كوشكىن ءقاۋپى بار ۋچاسكەلەردى تەكسەرۋ كەزىندە ۇلكەن الماتى وزەنىنىڭ باسسەينىندە، سونداي-اق تالعار وزەنى القابىندا جالپى كولەمى 13750 تەكشە مەتر قار كوشكىنى وزدىگىنەن تۇسكەنىن انىقتادى، دەپ حابارلايدى Almaty-akshamy.kz ق ر تجم سايتىنا سىلتەمە جاساپ.
قار كوشكىندەرىنىڭ باسىم بولىگى كولبەۋ جانە تاۋلاردىڭ ەتەگىندە توقتاپ، ءتورت قار كوشكىنى كولگە ءتۇستى. قازسەلدەنقورعاۋ، الماتى قالاسى پوليسيا مەن تج دەپارتامەنتتەرىنىڭ قىزمەتكەرلەرى بلوك بەككەتتەر قويۋ ارقىلى حالىقتىڭ ءجۇرىپ-تۇرۋىن شەكتەۋ بويىنشا قابىلدانعان شارالاردىڭ ارقاسىندا قايتىس بولعاندار مەن زارداپ شەككەندەر جوق.
قاردىڭ ءبىر بولىگى ۇلكەن الماتى وزەنىنە اپاراتىن اۆتوجولدى جاۋىپ تاستادى. قابىلدانعان شارالارمەن جول تازارتىلدى، زالال بولعان جوق.
قازسەلدەنقورعاۋ جانە الماتى قالاسى تجد ماماندارى قار كوشكىنىنىڭ جوعارى دارەجەسىنە بايلانىستى (تاۋلاردىڭ بەتكەيلەرىندەگى قاردىڭ تۇراقسىز جاي-كۇيى) جاقىن كۇندەرى تاۋعا، ونىڭ ىشىندە بوگدانوۆيچ مۇزدىعى اۋدانىنا بارماۋعا كەڭەس بەرەدى.
الماتى قالاسىنىڭ تج جانە پوليسيا دەپارتامەنتتەرى وسى اۆتوجول بويىندا الدىن الا اۆتوكولىكتىڭ ءجۇرۋىن شەكتەۋ جونىندەگى بلوك بەكەت قويدى. ءقاۋىپتى ۋچاسكەلەردە ەسكەرتۋ قالقاندارى ورناتىلدى.
ءوز كەزەگىندە، قازسەلدەنقورعاۋ قار كوشكىنى ءقاۋپى بار كەزەڭنىڭ باسىنان باستاپ جالپى كولەمى 9200 م3 استام قار كوشكىنىنىڭ 4 پروفيلاكتيكالىق ءتۇسۋىن جۇرگىزدى (شامامەن 10 مىڭ).