بۇگىن مەملەكەت باسشىسى قاسىم-جومارت توقايەۆتىڭ باستاماسىمەن ق ر كونستيتۋسياسىنا ەنگىزىلگەن تۇزەتۋلەر بويىنشا جالپى داۋىس بەرۋ ءوتتتى. ورتالىق سايلاۋ كوميسسياسىنىڭ دەرەكتەرىنە سايكەس، قازاقستاندىقتاردىڭ 65،04%-ى داۋىس بەرۋگە قاتىستى. الماتىدا 574 سايلاۋ ۋچاسكەسى جۇمىس ىستەيدى، وعان حالىقتىڭ 29،82%-ى قاتىستى. ولاردىڭ قاتارىندا قوعام قايراتكەرلەرى دە جەتەرلىك.
رەفەرەندۋمدى قولداپ، داۋىس بەرۋگە قاتىسقان الماتى قالاسى ءماسليحاتىنىڭ دەپۋتاتى ميحايل گراچيەۆ بۇگىنگى رەفەرەندۋمنىڭ ەلىمىز ءۇشىن تاعدىرشەشتى بولاتىنىن اتاپ ءوتتى:
«ەلىمىزدە وتەتىن ءار سايلاۋ سايىن مەن دامىعان دەموكراتيالىق قوعام قۇرۋ جانە ەلىمىزدىڭ بولاشاعىن ايقىنداۋ جولىنداعى ازاماتتىق پارىزىمدى ورىنداۋ ءۇشىن العاشقىلاردىڭ ءبىرى بولىپ سايلاۋ ۋچاسكەسىنە كەلىپ، ءوز داۋىسىمدى بەرەمىن»، - دەدى دەپۋتات.
ءوز كەزەگىندە «تۇران» ۋنيۆەرسيتەتىنىڭ رەكتورى، الماتى قالاسى قوعامدىق كەڭەسىنىڭ ءتوراعاسى راحمان الشانوۆ ەلىمىزدە ەلەۋلى وزگەرىستەر بولىپ جاتقانىن جانە رەفەرەندۋم سوعان دالەل ەكەنىن اتاپ ءوتتى.
«ءبىزدىڭ پرەزيدەنت قاسىم-جومارت توقايەۆ جاڭا قازاقستان قۇرۋ تۋرالى باستاما كوتەردى. ءبىزدىڭ حالقىمىز دانا، تۇسىنىگى مول - اركىمنىڭ ايقىن وزىندىك ويى، پوزيسياسى بار. 30 جىل ىشىندە قوعامدا جاڭا ويلار مەن يدەيالار ءوربىدى. سالدارىنان ءبىزدىڭ ەلىمىزگە وزگەرىستەر قاجەت – بۇل بۇگىنگى قوعامنىڭ تالابى. وسى توڭىرەگىندە بۇعان دەيىن كوپتەگەن پىكىرلەر ايتىلدى، كەزدەسۋلەردە ءارتۇرلى قىزمەت سالالارىنداعى ادامداردىڭ ءتۇرلى ويلارى بەلگىلى بولدى. وسىعان بايلانىستى، قازاقستان حالقى ق ر كونستيتۋسياسىنا ەنگىزىلگەن تۇزەتۋلەردى قولدايدى. مەن دە ەلىمىزدىڭ بولاشاعى ءۇشىن ءوز داۋىسىمدى بەردىم»، - دەدى سپيكەر.
ءوز سايلاۋ ۋچاسكەسىنە ءماسليحات دەپۋتاتى ەربولات قاسىموۆ تا داۋىس بەرۋگە كەلدى، ول ەلدىڭ بولاشاعى ءۇشىن تاڭداۋ جاساۋدى ءوزىنىڭ ازاماتتىق پارىزى دەپ بىلەدى.
الماتى قالاسى ءماسليحاتىنىڭ دەپۋتاتى راحات شيماشيەۆا دا ءوزىنىڭ بەلسەندى ازاماتتىق ۇستانىمىن ءبىلدىردى:
«مەن ءبىزدىڭ ەلىمىز جاقسارىپ، جاڭا دەڭگەيگە كوتەرىلەتىنىنە سەنەمىن. جاڭا قازاقستاندى قۇرۋ ءۇشىن بىرىگەيىك!» - دەپ قورىتىندىلادى ول.